സംസ്ഥാനത്ത് സ്കൂളുകള് അടക്കമുള്ള വിദ്യാഭ്യാസ സ്ഥാപനങ്ങള് തുറക്കാന് ആലോചിക്കുന്നു; തീരുമാനം അടുത്തമാസം ഉണ്ടാകുമെന്ന് മുഖ്യമന്ത്രി പിണറായി വിജയൻ
കൊവിഡ് രോഗവ്യാപനത്തെ ഭയപ്പെടേണ്ടാത്ത സാഹചര്യം സംജാതമായ നിലയ്ക്ക് സംസ്ഥാനത്ത് സ്കൂളുകള് അടക്കമുള്ള വിദ്യാഭ്യാസ സ്ഥാപനങ്ങള് തുറക്കാന് ആലോചിക്കുന്നതായി മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിയിച്ചു.
.സ്കൂളുകള് അടക്കമുള്ള വിദ്യാഭ്യാസ സ്ഥാപനങ്ങള് തുറക്കുന്നതിനായി അറിവും അനുഭവ സമ്ബത്തുമുള്ള വിദഗ്ദ്ധരുമായി ചര്ച്ച നടക്കുന്നുണ്ട്. ഇത് സംബന്ധിച്ച തീരുമാനം അടുത്തമാസം ഉണ്ടാകുമെന്നും മുഖ്യമന്ത്രി പറഞ്ഞു വ്യവസായ - വ്യാപാര മേഖലയുടെ പുനരുജ്ജീവനവും അടിയന്തരമായി നടപ്പിലാക്കും. അതിനാവശ്യമായ ഇടപെടലുണ്ടാകും. കോളേജ് വിദ്യാര്ത്ഥികള്ക്ക് കൊവിഡ് വാക്സിനേഷന് സൗകര്യമൊരുക്കും. കോളേജിലെത്തും മുന്പ് വിദ്യാര്ത്ഥികള് ഒരു ഡോസ് വാക്സിനെങ്കിലും എടുക്കണം. രണ്ടാമത്തെ ഡോസ് എടുക്കാന് കാലാവധി ആയവര് അതും എടുക്കണം. വിദ്യാര്ത്ഥികള് വാക്സിന് ആശാവര്ക്കറെ ബന്ധപ്പെടണം. മറ്റ് സംസ്ഥാനങ്ങള് വിദ്യാര്ത്ഥികള്ക്ക് രണ്ട് ഡോസ് വാക്സീന് നിര്ബന്ധമാക്കി. അത് കേരളത്തില് നിന്ന് മറ്റ് സംസ്ഥാനങ്ങളില് പോയി പഠിക്കുന്ന വിദ്യാര്ത്ഥികള്ക്ക് പ്രയാസമാണ്. അവരുടെ രണ്ട് ഡോസ് വാക്സിന് അടിയന്തിരമായി പൂര്ത്തിയാക്കും.
സര്വകലാശാലകള് കേന്ദ്രീകരിച്ച് വാക്സിനെടുക്കാത്ത വിദ്യാര്ത്ഥികളുടെയും അദ്ധ്യാപകരുടെയും കണക്കെടുത്ത് ആരോഗ്യവകുപ്പിന് നല്കും. അത് അടിസ്ഥാനമാക്കി വാക്സിനേഷന് ക്യാംപ് നടത്തുമെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha