പാലാ ബിഷപ്പിന്റെ വിവാദ പ്രസ്താവനയ്ക്ക് പിന്നാലെ കേരളത്തിൽ വിവാദങ്ങൾ കൊടുമ്പിരികൊള്ളുകയാണ്. ഇപ്പോഴിതാ കേരളത്തിന്‍റെ മതനിരപേക്ഷ നിലപാടിനുള്ള തിരിച്ചടിയാണ് ഈരാറ്റുപേട്ട നഗരസഭയിലെ സി.പി.എം – എസ്​.ഡി.പി.ഐ കൂട്ടുകെട്ടെന്ന്​ പ്രതിപതിച്ചുകൊണ്ട് ബി.ജെ.പി സംസ്​ഥാന പ്രസിഡന്‍റ്​ കെ. സുരേന്ദ്രന്‍ രംഗത്ത് എത്തിയിരിക്കുമാകയാണ്. ഇക്കാര്യത്തില്‍ മുഖ്യമന്ത്രി പിണറായി വിജയനും പാര്‍ട്ടി​ സെക്രട്ടറി വിജയരാഘവനും നിലപാട്​ വിശദീകരിക്കണമെന്നും അദ്ദേഹം ആവശ്യപ്പെടുകയുണ്ടായി.

അതോടൊപ്പം തന്നെ പാലാ ബിഷപ്പിനെ ആക്രമിക്കാന്‍ ഗുണ്ടാ സംഘങ്ങളെ അയച്ച എസ്​.ഡി.പി.ഐയുമായി പരസ്യമായ രാഷ്​ട്രീയ സഖ്യം ഉണ്ടാക്കാനുള്ള സി.പി.എം തീരുമാനം അടിച്ചമര്‍ത്തപ്പെട്ട ക്രൈസ്​തവ ജനതയോടുള്ള അങ്ങേയറ്റത്തെ ധിക്കാരപരമായ നിലപാടാണ് എന്നും അദ്ദേഹം പറഞ്ഞു​.

എസ്​.ഡി.പി.ഐയുമായി പരസ്യമായ ധാരണയിലേക്ക്​ കേരളത്തില്‍ സി.പി.എം പോവുകയാണ്​. എസ്​.ഡി.പി.ഐ – സി.പി.എം സഖ്യം കേരളത്തിന്​ വലിയ ആപത്തായി മാറും​. പാലാ ബിഷപ്പിനെതിരെ അക്രമാസക്​തമായ പ്രകടനം നടത്താന്‍ നേതൃത്വം നല്‍കിയത്​ ഈരാറ്റുപേട്ടയിലെ എസ്​.ഡി.പി.ഐ കൗണ്‍സിലര്‍മാരാണ്​. അവരുമായിട്ട്​ സഖ്യം ചേരുന്നതിനെ സംബന്ധിച്ച്‌​ ഇടതുമുന്നണിയിലെ ഘടകകക്ഷിയായ ജോസ്​ കെ. മാണിയുടെ നിലപാട്​ എന്താണെന്ന്​ അറിയാന്‍ താല്‍പ്പര്യമുണ്ട്​.

ഭീകരവാദത്തെ പ്രോത്സാഹിപ്പിക്കുന്ന ഭരണകക്ഷിയുടെ സമീപനം എതിര്‍ക്കപ്പെടേണ്ടതാണ്​. എസ്​.ഡി.പി.യുമായി കൂട്ടുകൂടാന്‍ സി.പി.എം കാണിച്ച ധൈര്യം ക്രൈസ്​തവ സമൂഹം ചര്‍ച്ച ചെയ്യണം. കേരളത്തിലെ മതനിരപേക്ഷ ചിന്താഗതിക്കാര്‍ ഇക്കാര്യത്തില്‍ ഇടപെടണം. നേരത്തെ ഒളിഞ്ഞും തെളിഞ്ഞുമുണ്ടായിരുന്ന സഖ്യം ഇപ്പോള്‍ പരസ്യമായിരിക്കുകയാണ്​’ - എന്നും സുരേന്ദ്രന്‍ പറഞ്ഞു.