മ​ഴ മു​ന്ന​റി​യി​പ്പി​നെ തു​ട​ര്‍​ന്ന് തൃ​ശൂ​ര്‍ പൂ​രം വെ​ടി​ക്കെ​ട്ട് വീ​ണ്ടും മാ​റ്റി​വ​ച്ചു. ഇ​ന്ന് വൈ​കി​ട്ട് ന​ട​ത്താ​നി​രു​ന്ന വെ​ടി​ക്കെ​ട്ട് മ​ഴ മു​ന്ന​റി​യി​പ്പ് കണക്കിലെടുത്ത് മാ​റ്റി​വ​യ്ച്ചത് പൂരപ്രേമികളെ നിരാശയിലാഴ്ത്തിയിരിക്കുകയാണ്. കാ​ലാ​വ​സ്ഥ അ​നു​കൂ​ല​മാ​യ ശേ​ഷം മാ​ത്ര​മാ​യി​രി​ക്കും ഇ​നി വെ​ടി​ക്കെ​ട്ട് ന​ട​ത്തുന്ന കാര്യത്തില്‍ തീ​രു​മാ​ന​മെ​ടു​ക്കു​ക​യെ​ന്ന് ദേ​വ​സ്വം അ​ധി​കൃ​ത​രും ജി​ല്ലാ ഭ​ര​ണ​കൂ​ട​വും അ​റി​യി​ച്ചു.

പൂ​രം നാ​ളി​ല്‍ പു​ല​ര്‍​ച്ചെ മൂ​ന്നി​ന് ന​ട​ക്കേ​ണ്ട വെ​ടി​ക്കെ​ട്ടാ​ണ് മ​ഴ കാ​ര​ണം മാ​റ്റി​വെ​ച്ച​ത്. പി​ന്നീ​ട് അ​ടു​ത്ത ദി​വ​സം ന​ട​ത്താ​ന്‍ ശ്ര​മി​ച്ചെ​ങ്കി​ലും മ​ഴ തു​ട​ര്‍​ന്ന​തി​നാ​ല്‍ ശ​നി​യാ​ഴ്ച​ത്തേ​ക്ക് മ​റ്റി​വ​യ്ക്കു​ക​യാ​യി​രു​ന്നു.അ​ഞ്ചു​ദി​വ​സം മ​ഴ​ക്ക് സാ​ധ്യ​ത​യു​ണ്ടെ​ന്ന കേ​ന്ദ്ര കാ​ലാ​വ​സ്ഥ വ​കു​പ്പി​ന്‍റെ മു​ന്ന​റി​യി​പ്പി​ൽ ആ​ശ​ങ്ക​യു​ണ്ടെ​ങ്കി​ലും കാ​ലാ​വ​സ്ഥ അ​നു​കൂ​ല​മെ​ങ്കി​ൽ വെ​ടി​ക്കെ​ട്ട്​ ന​ട​ത്താ​നാ​യിരുന്നു തീ​രു​മാ​നം.

ഇത്തവണ റെക്കോഡ് ജനമാണ് പൂരത്തെ ആവേശത്തിലാഴ്ത്തിയത്. വലിയ രീതിയിലുള്ള ഒരുതരം കുറ്റകൃത്യവും റിപ്പോർട്ട് ചെയ്യപ്പെട്ടിട്ടില്ല എന്നതും ഇത്തവണത്തതെ പൂരത്തിന്റെ പ്രത്യേകതയാണ്. സ്ത്രീകളും കുട്ടികളും മുതിർന്നവരുമുൾപ്പെടെയുള്ള ആളുകളുടെ സുരക്ഷിതത്വത്തിന് പ്രാധാന്യം നൽകിയുള്ള ക്രമീകരണങ്ങളാണ് പൊലീസ് ഏർപ്പെടുത്തിയിരുന്നത്. നഗരത്തിലും പരിസരത്തും ഘടിപ്പിച്ചിരുന്ന സി.സി ടി.വി സംവിധാനവും കുറ്റകൃത്യങ്ങൾ ഇല്ലാതാക്കാൻ സഹായിച്ചു.