പിഞ്ചുകുഞ്ഞിനെ കൊണ്ട് പ്രകോപനപരമായ മുദ്രാവാക്യം വിളിപ്പിച്ച പോപ്പുലര്‍ ഫ്രണ്ട് നേതാക്കള്‍ക്ക് എട്ടിന്റെ പണി കിട്ടി. സംഭവത്തില്‍ പോലീസ് കേസെടുത്തു. ആലപ്പുഴയില്‍ നടന്ന പോപ്പുലര്‍ ഫ്രണ്ട് റാലിക്കിടെയാണ് കുട്ടി വര്‍ഗീയ വിദ്വേഷം പരത്തുന്ന തരത്തില്‍ മുദ്രാവാക്യം വിളിച്ചത്.

'ഹിന്ദുക്കള്‍ അരിയും മലരും ക്രിസ്ത്യാനികള്‍ കുന്തിരിക്കവും കരുതിക്കോ അല്ലെങ്കില്‍ മര്യാദയ്ക്ക് ജീവിച്ചോ' എന്നാണ് ആ പിഞ്ചു ബാലന്‍ വിദ്വേഷ മുദ്രാവാക്യം ഉയര്‍ത്തിയത്. പ്രകടനത്തിനിടെ ഒരാളുടെ തോളത്തിരുന്ന് ചെറിയ കുട്ടി മുദ്രവാക്യം വിളിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലായിരുന്നു.

ഇതനിടെ കുട്ടി പ്രകടനത്തില്‍ മുദ്രാവാക്യം വിളിച്ച കാര്യം സ്ഥിരീകരിച്ച് പോപ്പുലര്‍ ഫ്രണ്ടും രംഗത്ത് വന്നു. എന്നാല്‍ വിളിച്ചത് സംഘടന അംഗീകരിച്ച മുദ്രാവാക്യമല്ലെന്നാണ് നേതാക്കള്‍ പറയുന്നത്. എന്തായാലും പോപ്പുലര്‍ ഫ്രണ്ട് നേതാക്കള്‍ക്കെതിരെ പോലീസ് കേസെടുത്തിരിക്കുകയാണ്.

അതേസമയം സംഭവത്തെ തുടര്‍ന്ന് സോഷ്യല്‍മീഡിയയിലടക്കം വ്യാപക വിമര്‍ശനം ഉയര്‍ന്നിരുന്നു. നിരവധി ആളുകളാണ് ഇതിനെതിരെ രംഗത്തെത്തിയത്. കുട്ടിയെകൊണ്ട് പറയിപ്പിച്ചതാണെന്നുള്ള തരത്തിലാണ് വിമര്‍ശനങ്ങള്‍ ഉയര്‍ന്നത്.

അന്യമത വിദ്വേഷം കുട്ടികളില്‍ കുത്തിവെക്കുന്ന തരത്തിലാണ് പോപ്പുലര്‍ ഫ്രണ്ടിന്റെ രാഷ്ട്രീയമെന്നും കൊച്ചുകുട്ടിയെക്കൊണ്ട് ഇത്തരം പ്രകോപനപരമായ മുദ്രാവാക്യം വിളിപ്പിച്ചത് കുറ്റകരമാണെന്നും പലരും വിമര്‍ശിച്ചിരുന്നു. കഴിഞ്ഞ ദിവസം ആലപ്പുഴയില്‍ നടന്ന പോപ്പുലര്‍ ഫ്രണ്ട് പ്രകടത്തിനിടെയാണ് കുട്ടി പ്രകോപനപരമായ മുദ്രാവാക്യം വിളിച്ചത്. വിവാദങ്ങള്‍ ശക്തമായ സാഹചര്യത്തിലാണ് പൊലീസ് അന്വേഷണം തുടങ്ങിയത്.

നേരത്തെ സംഭവത്തില്‍ പ്രതിഷേധിച്ച് ആന്റി ടെററിസം സൈബര്‍ വിങ് പ്രവര്‍ത്തക ജിജി നിക്‌സണ്‍ രംദത്ത് വന്നിരുന്നു. വര്‍ഗീയ വിദ്വേഷമുള്ള മുദ്രാവാക്യം വിളിച്ച കുട്ടിക്കെതിരെയും, അവന്റെ മാതാപിതാക്കള്‍ക്കെതിരെയും കേസ് കൊടുക്കണമെന്നാണ് ജിജിയുടെ വാദം. കുട്ടിയെ അറസ്റ്റ് ചെയ്യാതെ താന്‍ കൊട്ടാരക്കര പോലീസ് സ്റ്റേഷനില്‍ നിന്നും ഇറങ്ങില്ല എന്നും ജിജി പറഞ്ഞിരുന്നു.

ഇവര്‍ക്ക് പുറമെ നിരവധി ബിജെപി നേതാക്കളും ക്രിസ്ത്യന്‍ സഭയിലെ അംഗങ്ങളും കുട്ടിയുടെ മുദ്രാവാക്യത്തെ എതിര്‍ത്ത് രംഗത്ത് വന്നിട്ടുണ്ട്. തോളത്തിരുത്തി മുദ്രാവാക്യം വിളിപ്പിച്ചയാള്‍ കുട്ടിക്ക് ഇത് ഇന്ത്യയാണെന്ന് ബോധ്യപ്പെടുത്തിക്കൊടുക്കണമെന്നാണ് ബിജെപി പ്രവര്‍ത്തകനായ സന്ദീപ് വാര്യര്‍ പറഞ്ഞത്.

അതേസമയം അറേബ്യായുടെ മണ്ണില്‍നിന്ന് മുസ്ലീമല്ലാത്ത യഹൂദരെയും ക്രിസ്ത്യാനികളെയും പുറത്താക്കും എന്ന ഏഴാം നൂറ്റാണ്ടിലെ പ്രവാചക ശബ്ദത്തിന്റെ പ്രതിധ്വനിയാണ് കുട്ടിയില്‍ മുഴങ്ങി കേള്‍ക്കുന്നതെന്ന് കെസിബിസി മുന്‍ ഡപ്യൂട്ടി സെക്രട്ടറി ഫാ.വര്‍ഗീസ് വള്ളിക്കാട്ട് പ്രതികരിച്ചു. ഇത് കേവലം വാക്കുകള്‍ കൂട്ടിച്ചൊല്ലാന്‍ വയ്യാത്ത കിടങ്ങളുടെ നിഷ്‌കളങ്കതയില്‍നിന്ന് ഉയര്‍ന്നു വരുന്ന ഒരു ദീര്‍ഘ ദര്‍ശനമല്ല. തികച്ചും സര്‍വ്വാധിപത്യ സ്വഭാവമുള്ള, ഫാസിസ്റ്റു സ്വരമാണ് അതില്‍ മുഴങ്ങി കേള്‍ക്കുന്നത്.

ഇതിനു കുടപിടിക്കുന്ന കേരളത്തിലെ രാഷ്ട്രീയ അന്തരീക്ഷം, രാജ്യത്തിന്റെ ആരോഗ്യകരമായ ഭാവിക്കു സഹായകരമാണോ എന്ന് ഉത്തരവാദിത്തപ്പെട്ടവര്‍ വിലയിരുത്തണമെന്നും അദ്ദേഹം കൂട്ടിച്ചേര്‍ത്തു..

വിമര്‍ശനങ്ങള്‍ ഉയര്‍ന്നതോടെയാണ് പോലീസ് കേസെടുത്തത്.