നിലവിളിച്ച് അമ്മ..... അമ്മയുടെ സമീപത്ത് കളിച്ചു കൊണ്ടിരുന്ന കുഞ്ഞിനെ കുറെനേരം കഴിഞ്ഞു കാണാതായി....ഏറെ നേരത്തെ തെരച്ചിലിനൊടുവില്‍ കുളിമുറിയിലെ ബക്കറ്റില്‍ കുഞ്ഞ് വീണു കിടക്കുന്ന നിലയില്‍, ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

കുളിമുറിയിലെ ബക്കറ്റില്‍ വീണ് ഒരുവയസ്സുകാരി മരിച്ചു. കിടങ്ങൂര്‍ സൗത്ത് ചിറപ്പുറം ഞാറക്കാട്ടില്‍ ജയേഷ്-ശരണ്യ ദമ്പതിമാരുടെ മകള്‍ ഭാഗ്യയാണ് മരിച്ചത്.

ഭര്‍ത്താവിന്റെ വീട്ടില്‍ ആളില്ലാതിരുന്നതിനാല്‍ ഒരാഴ്ചയായി ശരണ്യയുടെ വീടായ ചെമ്പിളാവ് വളര്‍കോട് വീട്ടിലായിരുന്നു അമ്മയും കുഞ്ഞും.

ഇന്നലെ ഉച്ചകഴിഞ്ഞ് രണ്ടരയോടെ ആണ് സംഭവം നടന്നത്. അമ്മയുടെ സമീപത്ത് കളിച്ചുകൊണ്ടിരുന്ന കുഞ്ഞിനെ കുറെനേരം കഴിഞ്ഞു കാണാതായി. ഏറെ നേരത്തെ തിരച്ചിലിനൊടുവിലായിരുന്നു കുളിമുറിയിലെ ബക്കറ്റില്‍ കുഞ്ഞ് വീണുകിടക്കുന്നത് കണ്ടത്. ഉടന്‍തന്നെ കിടങ്ങൂരിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. കുഞ്ഞിന്റെ വേര്‍പാട് താങ്ങാനാവാതെ ഉറ്റവരും ബന്ധുക്കളും നാട്ടുകാരും.