പോപ്പുലര്‍ ഫ്രണ്ട് സമ്മേളനത്തോടനുബന്ധിച്ചുള്ള റാലിക്കിടെ കുട്ടിയുടെ വിദ്വേഷ മുദ്രാവാക്യം വിളിയിൽ പൊലീസ് നടപടിയില്‍ പ്രതിഷേധവുമായി പോപ്പുലര്‍ ഫ്രണ്ട്. പൊലീസിന്റെത് നരനായാട്ടാണെന്ന് ആരോപിച്ച് ആലപ്പുഴയില്‍ ഇന്ന് പ്രകടനം നടത്തുമെന്ന് റിപ്പോർട്ട്. പ്രവര്‍ത്തകരുടെ വീടുകളില്‍ ചെന്ന് പൊലീസ് ഭീകരാന്തരീക്ഷം സൃഷ്ടിക്കുകയാണെന്നും ഇവര്‍ ആരോപിക്കുകയുണ്ടായി. ആലപ്പുഴ എസ് പി ഓഫീസിലേക്കാണ് പ്രതിഷേധ മാര്‍ച്ച് സംഘടിപ്പിച്ചിരിക്കുന്നത്.

അതേസമയം റാലിക്കിടെ പ്രകോപന മുദ്രാവാക്യം വിളിച്ച കുട്ടിയുടെ പിതാവിനായി തിരച്ചില്‍ തുടരുന്നതായി റിപ്പോർട്ട്.​ മട്ടാഞ്ചേരിയിലെ സ്കൂളില്‍ ഏഴാം ക്ലാസ് വിദ്യാര്‍ത്ഥിയാണ് കുട്ടിയെന്നാണ് അറിയാൻ കഴിയുന്നത്. പി​​​താ​വ് ​ഇ​റ​ച്ചി​​​ ​വ്യാ​പാ​രി​​​യും​ ​വാ​ഹ​ന​ ​ബ്രോ​ക്ക​റു​മാ​ണ്.​ ​ഇ​യാ​ള്‍​ ​പോ​പ്പു​ല​ര്‍​ ​ഫ്ര​ണ്ടി​​​ന്റെ​ ​ഭാ​ര​വാ​ഹി​​​യാണെ​ന്ന് ​സൂ​ച​ന​യും ഉയരുന്നുണ്ട്.

അതേസമയവും ത​ങ്ങ​ള്‍​ ​ന​ഗ​റി​​​ലേ​ക്ക് ​പോ​കു​ന്ന​ ​വ​ഴി​​​യി​​​ല്‍​ ​രാ​മ​ന്‍​കു​ട്ടി​​​ ​ഭാ​ഗ​വ​ത​ര്‍​ ​റോ​ഡി​​​ലെ​ ​വാ​‌​ട​ക വീ​ട്ടി​ലായിരുന്നു കുടുംബം ഇതുവരെ കഴിഞ്ഞിരുന്നത്. നിലവിൽ വാടക വീട് അടഞ്ഞുകിടക്കുകയാണ്. പഞ്ചായത്ത് റോഡിലെ കുട്ടിയുടെ പിതാവിന്റെ തറവാട്ടിലും ആലപ്പുഴ സൗത്ത് പൊലീസ് കഴിഞ്ഞ ദിവസം കർശന പരിശോധന നടത്തിയിരുന്നു.

കൂടാതെ ഈ കേ​സി​ല്‍​ ഇരുപത്തിനാല് പേരെ​ ​കൂ​ടി​ ​പൊ​ലീ​സ് ​ക​സ്റ്റ​ഡി​യി​ലെ​ടു​ത്തിട്ടുണ്ട്. ​ഇതില്‍ 18 പേരുടെ അറസ്റ്റ് രേഖപ്പെടുത്തിയതായി പോലീസ്. മതവിദ്വേഷം പ്രചരിപ്പിക്കാന്‍ അവസരം ഒരുക്കി എന്നതാണ് പ്രതികള്‍ക്കെതിരെ ചുമത്തിയിരിക്കുന്ന കുറ്റം എന്നത്. ഇവരെ ഇന്നലെ രാത്രി പത്ത് മണിയോടെ മജിസ്‌ട്രേറ്റിന്റെ വസതിയില്‍ ഹാജരാക്കി റിമാന്‍ഡ് ചെയ്യുകയുണ്ടായി. അറസ്റ്റില്‍ പ്രതിഷേധിച്ച്‌ പോപ്പുലര്‍ ഫ്രണ്ട് ജില്ലാ കമ്മിറ്റിയുടെ നേതൃത്വത്തില്‍ രാവിലെ പതിനൊന്നിന് പൊലീസ് സൂപ്രണ്ടിന്റെ ഓഫീസിലേക്ക് മാര്‍ച്ച്‌ നടത്തുന്നതാണ്.