നെടുമ്പാശേരി രാജ്യാന്തര വിമാനത്താവളത്തിലെത്തിയ പ്രധാനമന്ത്രിയെ ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയൻ, അൻവർ സാദത്ത് എംഎൽഎ തുടങ്ങിയവർ സ്വീകരിച്ചു. വിമാനമിറങ്ങിയ മോദി, വിമാനത്താവളത്തിന് പുറത്ത് ബി.ജെ.പി ഒരുക്കിയ പൊതു യോഗത്തെ അഭിസംബോധന ചെയ്‌ത് സംസാരിച്ചു.

കേരളം മനോഹരമായ നാടാണെന്ന് പ്രധാനമന്ത്രി പറഞ്ഞു. മലയാളികൾക്ക് അദ്ദേഹം ഓണാശംസയും നേർന്നു. 'ഓണക്കാലത്ത് കേരളത്തിൽ എത്തിച്ചേരാൻ സാധിച്ചതിൽ അതിയായ സന്തോഷം. എല്ലാവർക്കും ഓണാശംസകൾ. സാംസ്കാരിക ഭംഗിയും പ്രകൃതി ഭംഗിയും കൊണ്ട് അനുഗ്രഹീതമായ നാടാണ് കേരളം. ദരിദ്രരുടെയും ദളിതരുടെയും ഉന്നമനമാണ് കേന്ദ്രസർക്കാരിന്റെ ലക്ഷ്യം.

കേരളത്തിൽ വികസന മുരടിപ്പുണ്ടെന്ന് വിമർശിച്ച് പ്രധാനമന്ത്രി നരേന്ദ്രമോദി. ബിജെപി സർക്കാരുകൾ ഉള്ള സംസ്ഥാനങ്ങൾ ഇരട്ടക്കുതിപ്പാണുള്ളത്. കേന്ദ്രത്തിൽ ഉള്ളത് ഇരട്ട എഞ്ചിൻ സർക്കാറാണ്, രാജ്യത്ത് ബിജെപി സർക്കാർ ഉള്ള സ്ഥലത്ത് വികസനം നടക്കുന്നു. കേരളത്തിലും ഇത് വരേണ്ടതാണ് നരേന്ദ്രമോദി പറഞ്ഞു.

ഒരു ലക്ഷം കോടിയുടെ പദ്ധതികൾ കേന്ദ്രസർക്കാരിന്റെ നേതൃത്വത്തിൽ കേരളത്തിൽ നടപ്പാക്കി. കേരളത്തിലെ ജനങ്ങളുടെ ആവശ്യങ്ങൾക്കും പ്രതീക്ഷകൾക്കും അനുസരിച്ചാണ് കേന്ദ്രത്തിലെ എൻഡിഎ സർക്കാർ പ്രവർത്തിക്കുന്നത്. പ്രധാനമന്ത്രി ആവാസ് യോജന പദ്ധതി പ്രകാരം കേരളത്തിൽ രണ്ടു ലക്ഷത്തിലധികം വീടുകൾക്ക് അനുമതി നൽകി. ഇതിൽ ഒരു ലക്ഷം വീടുകൾ ഇതിനകം പൂർത്തിയാക്കിയിട്ടുണ്ട്’ – മോദി പറഞ്ഞു.

ബിജെപി സർക്കാർ സത്യസന്ധമായും ജനക്ഷേമം മുൻനിർത്തിയും പ്രവർത്തിക്കുന്നു..വികസനത്തിന് തടസ്സം അഴിമതിയാണ്.അഴിമതിക്കെതിരെ നടപടി എടുക്കുമ്പോൾ രാഷ്‌ട്രീയത്തിൽ ധ്രുവീകരണം ഉണ്ടാകുന്നു.അവരെ രക്ഷിക്കാൻ ചിലർ രംഗത്ത് വരുന്നുവെന്നും പ്രധാനമന്ത്രി വിമർശിച്ചു. കോവിഡ് കാലത്തും രാജ്യം വികസനത്തിന്റെ കേന്ദ്രമായി മാറിയിരിക്കുകയാണ്. രാജ്യത്ത് ജിഡിപി ഉയരുന്നു. തൊഴിലവസരം വര്‍ധിക്കുന്നു. ദുരന്ത കാലത്തും ജിഎസ്ടിയുെടെ വളര്‍ച്ച കാണാന്‍ സാധിക്കും.

വികസനക്കാര്യത്തില്‍ കേന്ദ്രം എല്ലാ രംഗത്തും മുതല്‍മുടക്ക് നടത്തി മുന്നേറുകയാണ്. കേരള ജനത ബിജെപിയെ പുതിയ പ്രതീക്ഷയോടെ കാണുകയാണ്. ബിജെപി ഈ രാജ്യത്തു വികസനം കൊണ്ടുവരാന്‍ സത്യസന്ധമായ പ്രവർത്തനം കാഴ്ചവയ്ക്കുന്നതായി മനസ്സിലാക്കുന്നു. ഇന്നു യുവാക്കളുടെ പ്രതീക്ഷയില്‍ ഏറ്റവും വലിയ തടസ്സം അഴിമതിയാണ്. അഴിമതിക്കെതിരെ നിര്‍ണായകയുദ്ധം നടത്തേണ്ട സമയാമാണെന്നു കഴിഞ്ഞ ദിവസം പറയുകയുണ്ടായി.