എത്ര കണ്ടാലും കൊണ്ടാലും പഠിക്കാത്ത ഒരു വിഭാഗം മലയാളികളുണ്ട്. മന്ത്രവാദത്തിനും അന്ധവിശ്വാസത്തിനും പിന്നാലെ പായുന്നവരാണിവര്‍. നരബലിയുടെ നടുക്ക ഇതുവരെയും മാറിയിട്ടില്ല. അതിന്റെ ഇഫക്ട് എന്ന് വേണമെങ്കില്‍ പറയാം ഇത്തരത്തിലുള്ള അന്ധവിശ്വാസത്തിനും ലൈംഗീപ പീഡനത്തിനും ഇരയായ നിരവധിപേര്‍ ഇപ്പോള്‍ വെളിപ്പെടുത്തലുകളുമായി മുന്നോട്ട് വരുന്നുണ്ട്. തിരുവനന്ത പുരത്ത് ബാധ ഒഴിപ്പിക്കാനെന്ന പേരില്‍ സ്വന്തം ഭാര്യയെ ഒരു മന്ത്രവാദിയ്ക്ക് ലൈംഗീക പീഡനത്തിനു വേണ്ടി ഇട്ടുകൊടുത്ത ഭര്‍ത്താവിനെതിരെയും ആ മന്ത്രവാദിക്കെതിരെയും പരാതിയുമായി എത്തിയിരിക്കുകയാണ് യുവതി. ഇതിനേക്കാളൊക്കെ ഗുരുതരമായ മറ്റൊരു കാര്യം ഇങ്ങനെ ഒരു പരാതി കിട്ടിയിട്ടും കേരളാ പോലീസ് ഇത്രയും നാള്‍ ഒരു നടപടിയും എടുത്തില്ലെന്നുള്ളതാണ്. ഈ മന്ത്രവാദിയില്‍ നിന്ന് പണം വാങ്ങിയിട്ടാണോ പെണ്‍കുട്ടിയുടെ നടപടിയില്‍ കേരളാ പോലീസ് നടപടി എടുക്കാത്തത് എന്ന സംശയവും ഉണ്ട്. കാരണം കേരളാ പോലീസിലെ ക്രിമിനലുകളെക്കുറിച്ചുള്ള വാര്‍ത്തകളാണ് ഇപ്പോള്‍ സോഷ്യല്‍ മീഡിയയില്‍ നിറയുന്നത്.

പരാതിയിലേയ്ക്ക് വരുകയാണെങ്കില്‍. ബാധയൊഴിപ്പിക്കാനെന്ന പേരില്‍ ലോഡ്ജുകളിലെത്തിച്ച് യുവതിയെ പീഡിപ്പിക്കുകയായിരുന്നു; മന്ത്രവാദിയായ അബ്ദുള്‍ ജബ്ബാറിനെതിരെയും ഭര്‍ത്താവിനെതിരെയുമാണ് യുവതിയുടെ പരാതി; ഭര്‍തൃവീട്ടുകാരാണ് ഇതിനെല്ലാം കൂട്ടുനിന്നത്; അക്ഷരാര്‍ത്ഥത്തില്‍ ഞെട്ടലുണ്ടാക്കുന്നതാണ് ഈ വാര്‍ത്ത.

പ്രേതബാധ ഒഴിപ്പിക്കണമെന്ന് ആവശ്യപ്പെട്ട് ഭര്‍ത്താവും വീട്ടുകാരും ഇവിടെ മാത്രമല്ല വിവിധ ഇടങ്ങളില്‍ കൊണ്ടുപോയെന്നാണ് യുവതിയുടെ ആരോപണം. അബ്ദുള്‍ ജബ്ബാര്‍ എന്ന് പരിചയപ്പെടുത്തിയ മന്ത്രവാദിയുടെ മുന്നിലാണ് ബാധ ഒഴിപ്പിക്കാന്‍ കൊണ്ടു പോയത്. കൊടുങ്ങല്ലൂര്‍, നഗരൂര്‍, ബീമാപള്ളി തുടങ്ങിയ സ്ഥലങ്ങളിലെ ലോഡ്ജുകളിലേക്ക് ബാധ ഒഴിപ്പിക്കാനെന്ന പേരില്‍ ഭര്‍തൃവീട്ടുകാര്‍ കൊണ്ടുപോകുകയായിരുന്നുവെന്ന് യുവതി പറയുന്നു.

നഗ്‌നപൂജ നടത്തണമെന്നായിരുന്നു മന്ത്രവാദിയായ അബ്ദുള്‍ ജബ്ബാറിന്റെ ആവശ്യം. ഇയാള്‍ നിരവധി പെണ്‍കുട്ടികളെ ഇത്തരത്തില്‍ ലൈംഗികമായി ഉപയോഗിച്ചുവെന്നും യുവതി വെളിപ്പെടുത്തി. യുവതിയുടെ ചടയമംഗലത്തെ വീട്ടിലെത്തിയും മന്ത്രവാദം നടത്തിയിരുന്നു. ഭര്‍തൃവീട്ടുകാരുടെ പിന്തുണയോടെയാണ് ഇതെല്ലാം ചെയ്തിരുന്നത്. ഇവര്‍ക്ക് ലഹരി മാഫിയയുമായി ബന്ധമുണ്ടെന്നും യുവതി ആരോപിച്ചു.

സംഭവത്തില്‍ പോലീസില്‍ പരാതി നല്‍കുമെന്ന് അറിഞ്ഞതോടെ മന്ത്രവാദിയായ അബ്ദുള്‍ ജബ്ബാര്‍ ഭീഷണിപ്പെടുത്തിയെന്നും യുവതി പറയുന്നു. സംഭവവുമായി ബന്ധപ്പെട്ട് നേരത്തെ ആറ്റിങ്ങല്‍ പോലീസില്‍ പരാതി നല്‍കിയെങ്കിലും ഫലമുണ്ടായില്ലെന്നാണ് യുവതിയുടെ ആരോപണം. തുടര്‍ന്ന് ചടയമംഗലം പോലീസിന് പുതിയ പരാതി നല്‍കുകയായിരുന്നു. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.

അതേസമയം ഇത്തരക്കാരെ കുരുക്കാന്‍ രാജ്യത്ത് ശക്തമായ നിയമങ്ങളില്ലെന്ന ആക്ഷേപവും ശക്തമാണ്. കഴിഞ്ഞ ദിവസം മന്ത്രവാദ കേസില്‍ പൊലീസ് അറസ്റ്റ് ചെയ്ത മലയാലപ്പുഴയിലെ മന്ത്രവാദിനിക്ക് കോടതി ജാമ്യം അനുവദിച്ചു. ഉപാധികളോടുള്ള ജാമ്യമാണ് കോടതി അനുവദിച്ചത്. മന്ത്രവാദിനിക്കെതിരായ പരാതികളുടെ വിവരങ്ങള്‍ പൊലീസ് കോടതിയെ അറിയിക്കാതിരുന്നതോടെയാണ് ജാമ്യം ലഭിക്കാന്‍
സാഹചര്യം ഒരുങ്ങിയതെന്ന പരാതി ഉയരുന്നുണ്ട്.

പ്രായപൂര്‍ത്തിയാകാത്ത കുട്ടികള്‍ ഉപയോഗിച്ച് മന്ത്രവാദം ചെയ്തു എന്ന വാര്‍ത്ത പുറത്തുവന്നതിന് പിന്നാലെയാണ് മന്ത്രവാദിനിയെ പൊലീസ് അറസ്റ്റ് ചെയ്യുന്നത്. ഈ കേസിലാണ് മന്ത്രവാദിനിക്ക് കോടതിയില്‍ നിന്ന് ഉപാധികളുടെ ജാമ്യം ലഭിച്ചത്. എന്നാല്‍ മന്ത്രവാദിനിക്കെതിരെയുള്ള ഗൗരവകരമായ പരാതികള്‍ പൊലീസ് കോടതിയെ അറിയിക്കാതിരുന്നതോടെയാണ് ഇവര്‍ക്ക് ജാമ്യം ലഭിച്ചതെന്ന് പരാതിയും ഉയരുന്നുണ്ട്. രണ്ടര വയസ്സുള്ള കുട്ടിയെ നായയെ അഴിച്ചുവിട്ട് കടിപ്പിക്കാന്‍ ശ്രമിച്ചു എന്നതടക്കമുള്ള പരാതികള്‍ മലയാലപ്പുഴ സ്റ്റേഷനില്‍ നിലവിലുണ്ട്. ഈ പരാതികള്‍ ഒന്നും പൊലീസ് കോടതിയെ അറിയിച്ചില്ല

കുട്ടിയുടെ രക്ഷിതാക്കളുടെ സാന്നിധ്യത്തില്‍ അസഭ്യം പറഞ്ഞുകൊണ്ടാണ് മന്ത്രവാദ ചടങ്ങുകള്‍ നടക്കുന്നത്. മലയാലപ്പുഴയിലെ മന്ത്രവാദിനിക്കെതിരായ പരാതികളില്‍ പൊലീസ് കാര്യക്ഷമമായി ഇടപെടുന്നില്ല എന്ന് ആരോപിച്ച് ഉന്നത ഉദ്യോഗസ്ഥര്‍ക്ക് പരാതി നല്‍കാന്‍ ഒരുങ്ങുകയാണ് നാട്ടുകാര്‍.