വടക്കഞ്ചേരി വാഹനാപകടക്കേസുമായി ബന്ധപ്പെട്ട് ട്രാന്സ്പോര്ട്ട് കമ്മിഷണര് 28ന് ഹാജരാകണമെന്ന് ഹൈക്കോടതി...
വടക്കഞ്ചേരി വാഹനാപകടക്കേസുമായി ബന്ധപ്പെട്ട് ട്രാന്സ്പോര്ട്ട് കമ്മിഷണര് 28ന് ഹാജരാകണമെന്ന് ഹൈക്കോടതി. ഇതുവരെ സ്വീകരിച്ച നടപടികളുടെ വിശദാംശങ്ങള് സമര്പ്പിക്കാനും ജസ്റ്റിസ് അനില് കെ. നരേന്ദ്രന്, ജസ്റ്റിസ് പി.ജി. അജിത്ത് കുമാര് എന്നിവരുള്പ്പെട്ട ഡിവിഷന്ബെഞ്ച് നിര്ദ്ദേശിച്ചു.
ജംഗിള് സഫാരി ബസുകളില് നിന്ന് പരസ്യങ്ങള് നീക്കാന് നടപടിയായെന്നും മറ്റു ബസുകളുടെ കാര്യത്തില് സാവകാശം വേണമെന്നും കെ.എസ്.ആര്.ടി.സി ബോധിപ്പിച്ചു. ഗവിയിലും സുല്ത്താന് ബത്തേരിയിലും രണ്ട് ജംഗിള് സഫാരി സര്വീസുകളാണുള്ളത്.
നഷ്ടത്തില് നിന്നു കരകയറാനുള്ള ശ്രമങ്ങളുടെ ഭാഗമാണ് പരസ്യമെന്ന കെ.എസ്.ആര്.ടി.സി വാദം കോടതി തള്ളി.നിയമം പാലിക്കാത്ത വാഹനങ്ങള്ക്കെതിരെ ശക്തമായ നടപടി സ്വീകരിച്ചു വരികയാണെന്ന് മോട്ടോര് വാഹന വകുപ്പ് .
. ഏതു വാഹനമായാലും ചട്ടങ്ങള് പാലിച്ചില്ലെങ്കില് കര്ശന നടപടി സ്വീകരിക്കണമെന്ന് കോടതി നിര്ദ്ദേശിച്ചു. വാഹനങ്ങള്ക്ക് ഫിറ്റ്നസ് സര്ട്ടിഫിക്കറ്റ് നല്കുമ്പോള് ചട്ടപ്രകാരമല്ലാത്ത സംവിധാനങ്ങളില്ലെന്നു ഉറപ്പുവരുത്തണം. പരിശോധനയുടെ വിഡിയോയും കളര്ചിത്രവും റിപ്പോര്ട്ടില് ഉള്പ്പെടുത്തേണ്ടതാണ്.
ചട്ടങ്ങള് പാലിക്കാത്ത വാഹനങ്ങളുടെ രജിസ്ട്രേഷന് റദ്ദാക്കുന്നതിനൊപ്പം ഡ്രൈവര്ക്കും ഉടമയ്ക്കുമെതിരെ നടപടി സ്വീകരിക്കണമെന്നും നിര്ദ്ദേശിച്ചു. 448 വാഹനങ്ങളുടെ ഫിറ്റ്നസ് സര്ട്ടിഫിക്കറ്റും 169 ഡ്രൈവര്മാരുടെ ലൈസന്സും റദ്ദാക്കിയെന്ന് മോട്ടോര് വാഹന വകുപ്പ് .
"
https://www.facebook.com/Malayalivartha
