കോഴിക്കോട് മെഡിക്കല് കോളേജ്: അന്വേഷിച്ച് നടപടിയെടുക്കാന് നിര്ദേശം നല്കി മന്ത്രി വീണാ ജോര്ജ്
കോഴിക്കോട് മെഡിക്കല് കോളേജില് ശസ്ത്രക്രിയ കഴിഞ്ഞ യുവതിയോട് ജീവനക്കാരന് ലൈംഗികാതിക്രമം നടത്തിയെന്ന ആരോപണത്തില് അടിയന്തരമായി അന്വേഷിച്ച് നടപടി സ്വീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കി.
അതേസമയം ശസ്ത്രക്രിയയ്ക്ക് വിധേയയായ യുവതിയെ അറ്റന്ഡര് പീഡിപ്പിച്ചതായി പരാതി. കോഴിക്കോട് മെഡിക്കല് കോളേജില് രണ്ട് ദിവസം മുമ്പാണ് പീഡനം നടന്നതെന്നാണ് ആരോപണം. തൈറോയ്ഡ് ശസ്ത്രക്രിയ കഴിഞ്ഞ കോഴിക്കോട് സ്വദേശിനിയാണ് അതിക്രമത്തിനിരയായത്.
ശസ്ത്രക്രിയയ്ക്ക് ശേഷം മയക്കം പൂര്ണമായും മാറാത്ത അവസ്ഥയിലായിരുന്നു യുവതി. ഈ സമയമാണ് പീഡനം നടന്നത്. യുവതി പിന്നീട് ഭര്ത്താവിനോടാണ് വിവരം വെളിപ്പെടുത്തിയത്. തുടര്ന്ന് മെഡിക്കല് കോളേജ് പൊലീസില് പരാതി നല്കുകയായിരുന്നു.
https://www.facebook.com/Malayalivartha