എസ്എഫ്ഐഒ അന്വേഷണം നിലനില്ക്കില്ലെന്ന് എക്സാലോജിക്ക്: പിണറായി വിജയന്റെ മകൾ നൽകിയ ഹർജിയിൽ വിധി പിന്നീട്; എക്സാലോജിക്കിനെതിരെ കടുത്ത നടപടി പാടില്ലെന്ന് എസ്എഫ്ഐഒയ്ക്ക് കോടതിയുടെ നിർദ്ദേശം:- എസ്എഫ്ഐഒ ആവശ്യപ്പെടുന്ന എല്ലാ രേഖകളും എക്സാലോജിക് ഹാജരാക്കണമെന്ന് കോടതി നിർദ്ദേശം...
സിഎംആര്എല്ലുമായി ബന്ധപ്പെട്ട ഇടപാടുകളില് സീരിയസ് ഫ്രോഡ് ഇന്വെസ്റ്റിഗേഷന് ഓഫിസ് (എസ്എഫ്ഐഒ) നടത്തുന്ന അന്വേഷണത്തിന് ഇടക്കാല സ്റ്റേ ആവശ്യപ്പെട്ട് എക്സാലോജിക് സൊലൂഷന്സ് കമ്പനി ഡയറക്ടറും മുഖ്യമന്ത്രി പിണറായി വിജയന്റെ മകളുമായ ടി.വീണ നല്കിയ ഹര്ജിയിൽ വിധി പിന്നീട്. വിധി പറയുന്നതു വരെ എക്സാലോജിക്കിനെതിരെ കടുത്ത നടപടി പാടില്ലെന്ന് കോടതി എസ്എഫ്ഐഒയ്ക്ക് നിർദ്ദേശം നൽകി. അതേസമയം, എസ്എഫ്ഐഒ ആവശ്യപ്പെടുന്ന എല്ലാ രേഖകളും എക്സാലോജിക് ഹാജരാക്കണമെന്നും നിർദ്ദേശം നൽകിയിട്ടുണ്ട്. ജസ്റ്റിസ് എം.നാഗപ്രസന്നയുടെ ബെഞ്ചാണ് ഹര്ജി പരിഗണിച്ചത്.
എസ്എഫ്ഐഒ അന്വേഷണം നിലനില്ക്കില്ലെന്ന് എക്സാലോജിക്ക് കോടതിയില് അവകാശപ്പെട്ടു. റജിസ്ട്രാര് ഓഫ് കമ്പനീസ് അന്വേഷണം തുടരുകയാണ്.
അതു തുടരാമെന്നും സിഎംആര്എല്ലുമായി ഇടപാടിലെ ആരോപണത്തിനു മറുപടി നല്കിയിട്ടുണ്ടെന്നും എക്സാലോജിക് അറിയിച്ചു. അതോടെ റജിസ്ട്രാര് ഓഫ് കമ്പനീസ് അന്വേഷണം എന്തായെന്നു കോടതി ചോദിച്ചപ്പോള് അന്വേഷണപുരോഗതി അറിയില്ലെന്ന് എക്സാലോജിക്കിനു വേണ്ടി ഹാജരായ അഭിഭാഷകന് അറിയിച്ചു.
https://www.facebook.com/Malayalivartha
