നിപ രോഗ ബാധയില്‍ മലപ്പുറത്തെ ആശങ്ക ഒഴിയുന്നു. ഇന്ന് രണ്ട് പേരുടെ പരിശോധനാ ഫലങ്ങള്‍ കൂടി നെഗറ്റീവായി. ഇതുവരെ 68 സാമ്പിളുകളാണ് നെഗറ്റീവായത്. പുതിയതായി നാല് പേരെ ആശുപത്രിയില്‍ പ്രവേശിപ്പിച്ചു. 5 പേരാണ് നിലവില്‍ ചികിത്സയിലുള്ളത്.

472 പേരാണ് സമ്പര്‍ക്ക പട്ടികയിലുള്ളത്. ഇതില്‍ 220 പേര്‍ ഹൈറിസ്‌ക് വിഭാഗത്തിലാണ്. കൂടുതല്‍ ഫലങ്ങള്‍ നെഗറ്റീവായ സാഹചര്യത്തില്‍ ആനക്കയം, പാണ്ടിക്കാട് പഞ്ചായത്തുകളിലെ നിയന്ത്രണങ്ങളില്‍ ഇളവ് പ്രഖ്യാപിച്ചു.

ആനക്കയം പഞ്ചായത്തില്‍ കടകളുടെ പ്രവൃത്തി സമയം രാവിലെ 7 മുതല്‍ വൈകീട്ട് 7 വരെയാക്കി. പാണ്ടിക്കാട് പഞ്ചായത്തില്‍ രാവിലെ 7 മുതല്‍ വൈകീട്ട് 5 വരെയുള്ള സമയം തുടരും. രണ്ട് പഞ്ചായത്തുകളിലും ഹോട്ടലുകളില്‍ രാത്രി 10 വരെ ഹോം ഡെലിവറി അനുവദിച്ചു.