സ്ഥിരം കുറ്റവാളിയായ മുജീബ് റഹ്മാൻ ഗ്ലാസ്സ് പൊട്ടിച്ച് ആക്രമണം അഴിച്ച് വിട്ട്, രക്ഷപെടാൻ നടത്തിയ ശ്രമങ്ങൾ പരാജയപ്പെടുത്തി പോലീസ്:- അനുവിന്റെ കൊലപാതകത്തില് കൂടുതല് വിവരങ്ങള് പുറത്ത്...
കോഴിക്കോട് നൊച്ചാട് സ്വദേശിനി അനുവിന്റെ കൊലപാതകത്തില് കൂടുതല് വിവരങ്ങള് പുറത്ത്. സ്ഥിരം കുറ്റവാളിയായ മലപ്പുറം കൊണ്ടോട്ടി സ്വദേശി മുജീബ് റഹ്മാൻ ഉപയോഗിച്ചിരുന്ന ബൈക്കും പൊലീസ് കണ്ടെത്തി. പ്രതിക്കെതിരെ ബലാത്സംഗ കേസ് ഉള്പ്പെടെ 55 കേസുകള് നിലവിലുണ്ട്. സാഹസികമായാണ് പ്രതിയെ പോലീസ് പിടികൂടിയത്. പോലീസ് എത്തിയതോടെ ഗ്ലാസ്സ് പൊട്ടിച്ച് ആക്രമണം അഴിച്ച് വിടുകയായിരുന്നു. കയ്യുറ ധരിച്ച ശേഷം അതിക്രൂരമായാണ് അനുവിനെ പ്രതി കൊലപ്പെടുത്തിയത്. കൊല നടത്തിയശേഷം അനുവിന്റെ സ്വര്ണാഭരണങ്ങള് പ്രതി മോഷ്ടിച്ചു. തുടര്ന്ന് സ്വര്ണ്ണാഭരണങ്ങള് കൊണ്ടോട്ടിയിലെത്തി ഒരാള്ക്ക് കൈമാറുകയായിരുന്നു.
മോഷ്ടിച്ച ബൈക്കിലാണ് മുജീബ് റഹ്മാൻ എത്തിയത്. തുടര്ന്ന് ഇയാള് ബൈക്കില് അനുവിന് ലിഫ്റ്റ് കൊടുത്തു. തുടര്ന്ന് വഴിയില് വെച്ച് തോട്ടില് തള്ളിയിട്ട് വെള്ളത്തില് തല ചവിട്ടി താഴ്ത്തി കൊലപ്പെടുത്തുകയായിരുന്നു. മരണം ഉറപ്പാക്കിയശേഷം സ്വർണം കവർന്ന് രക്ഷപ്പെടുകയായിരുന്നു. പ്രതി ഉപയോഗിച്ച ബൈക്ക് എടവണ്ണപ്പാറയില് നിന്നാണ് കണ്ടെത്തിയത്.
പ്രതിയുമായുള്ള തെളിവെടുപ്പില് എടവണ്ണപ്പാറ ജങ്ഷനില് റോഡരികില് നിര്ത്തിയിട്ട നിലയിലായിരുന്നു ബൈക്ക്. പ്രതി ധരിച്ചിരുന്ന കോട്ടും ബൈക്കിൽ നിന്നും കണ്ടെത്തി ഇക്കഴിഞ്ഞ 11ന് മട്ടന്നൂരില് നിന്നാണ് പ്രതി ബൈക്ക് മോഷ്ടിച്ചത്. ഈ ബൈക്ക് മോഷ്ടിച്ചശേഷം തിരിച്ചുവരുന്നതിനിടെയാണ് കൊല നടത്തിയത്. അനുവിന്റെ കൊലപാതകത്തിന്റെ ഞെട്ടലിലാണ് നൊച്ചാടുള്ള നാട്ടുകാര്. മുജീബിനെ തെളിവെടുപ്പിനായി കൊല നടന്ന സ്ഥലത്തെത്തിച്ചപ്പോള് നാട്ടുകാരില് നിന്നും രോഷ പ്രകടനമുണ്ടായി.
തെളിവെടുപ്പിനിടെ, പ്രതിയുടെ സിസി ടിവി ദൃശ്യങ്ങളും പൊലീസിന് ലഭിച്ചു. പ്രതി ഉപയോഗിച്ച ബൈക്കില് നിന്ന് വലിയ ബാഗും കയ്യുറകളും ലഭിച്ചു. കയ്യുറ ധരിച്ചാണ് പ്രതി കൊല നടത്തിയതെന്നാണ് സൂചന. കൃത്യം നടത്തുമ്പോള് പ്രതി ഹെല്മറ്റ് ധരിച്ചിരുന്നതായും വിവരമുണ്ട്. സിസിടിവി ദൃശ്യങ്ങള് ഉള്പ്പെടെ പരിശോധിച്ച് കൂടുതല് തെളിവുകള് തേടുകയാണ് പൊലീസ്. ഇന്നലെ രാത്രി മലപ്പുറത്തെ വീട്ടിൽ വെച്ചാണ് ഇയാൾ പിടിയിലായത്.
സമീപത്തുള്ള സിസിടിവി ക്യാമറയില് ഇയാളുടെ ദൃശ്യം പതിഞ്ഞതോടെയാണ് പൊലീസ്, ഇയാളെ കസ്റ്റഡിയിലെടുത്തത്. അനുവിന്റെ മരണം കൊലപാതകം തന്നെയെന്ന നിഗമനത്തില് നേരത്തെ പൊലീസ് എത്തിച്ചേര്ന്നിരുന്നു. മൃതദേഹം കണ്ടെത്തിയ സ്ഥലത്തിന് സമീപം ഒരു ചുവന്ന ബൈക്കില് എത്തിയ ആളെ കേന്ദ്രീകരിച്ച് അന്വേഷണം നടത്തിവരികയായിരുന്നു. ഇതിനിടെയാണ് സിസിടിവി ക്യാമറയില് ഇയാളെ കണ്ടെത്തിയത്.
തിങ്കളാഴ്ചയാണ് വാളൂര് സ്വദേശിയായ അനുവിനെ കാണാതാകുന്നത്. രാവിലെ വീട്ടില് നിന്നിറങ്ങിയ അനുവിന്റെ വിവരങ്ങളൊന്നും പിന്നീട് ലഭിക്കാതാകുകയായിരുന്നു. ചൊവ്വാഴ്ച രാവിലെ 11 മണിയോടെ വീട്ടില് നിന്ന് ഒരു കിലോമീറ്റര് മാത്രം ദൂരമുള്ള നൊച്ചാട് തോട്ടില് അനുവിന്റെ മൃതദേഹം കണ്ടെത്തുകയായിരുന്നു. മുട്ടൊപ്പം വെള്ളം മാത്രമുള്ള തോട്ടില് മുങ്ങിമരിക്കില്ലെന്നത് ഉറപ്പായതോടെയാണ് കൊലപാതകമാകാമെന്ന സംശയം ശക്തമായത്.
അനുവിന്റെ ശരീരത്തിലുണ്ടായിരുന്ന ആഭരണങ്ങളും നഷ്ടപ്പെട്ടിരുന്നു. വസ്ത്രത്തിന്റെ ചില ഭാഗങ്ങളും മൃതദേഹത്തിലുണ്ടായിരുന്നില്ല. ഇതെല്ലാം സംശയം ജനിപ്പിക്കുന്നതായിരുന്നു. മുട്ടിന് താഴെ മാത്രം വെള്ളമുള്ള തോട്ടില് കമിഴ്ന്ന് കിടക്കുന്ന നിലയിലായിരുന്നു നാട്ടുകാര് മൃതദേഹം കണ്ടെത്തിയത്. തിങ്കളാഴ്ച ഭര്ത്താവിന്റെ വീട്ടിലേക്ക് പോയ അനുവിനെ കാണാനില്ലെന്ന് കുടുംബം പരാതി നല്കിയതിനെ തുടര്ന്ന് ഊര്ജിതമായി തിരഞ്ഞു വരികയായിരുന്നു.
കാലുതെന്നി വെള്ളത്തില് വീണതല്ലെന്നും മരണത്തില് സമഗ്ര അന്വേഷണം വേണമെന്നും അനുവിന്റെ കുടുംബം ആവശ്യപ്പെട്ടിരുന്നു. അനുവിന് മറ്റ് പ്രശ്നങ്ങളൊന്നുമുണ്ടായിരുന്നില്ലെന്ന് ഭര്ത്താവും വീട്ടുകാരും പറഞ്ഞിരുന്നു. അനുവിന്റെ മൃതദേഹം കണ്ടെത്തിയ സ്ഥലത്തിന് സമീപം ചുവന്ന ബൈക്കില് ഒരാള് എത്തിയിരുന്നുവെന്ന് കണ്ടെത്തിയതിന് പിന്നാലെ അന്വേഷണം ആ വഴിക്ക് ഊര്ജ്ജിതമാക്കിയിരുന്നു.
ഇതിനിടെയാണ് ഇയാളുടെ ദൃശ്യം സിസിടിവി ക്യാമറയില് നിന്ന് ലഭിച്ചത്. മോഷ്ടിച്ച ബൈക്കിലെത്തിയ പ്രതി അനുവിന് ലിഫ്റ്റ് കൊടുത്തു. വഴിയില് വെച്ച് തോട്ടില് തള്ളിയിട്ട് വെള്ളത്തില് തല ചവിട്ടിതാഴ്ത്തിയാണ് അനുവിനെ പ്രതി കൊലപ്പെടുത്തിയത്. മരണം ഉറപ്പാക്കിയതോടെ സ്വര്ണം കവര്ന്ന് രക്ഷപ്പെടുകയായിരുന്നു.
https://www.facebook.com/Malayalivartha