മാറ്റത്തിനായി ലീഗും സിപിഎമ്മും... ജാമ്യം ലഭിക്കുന്ന എല്ലാ സിഎഎ പ്രതിഷേധ കേസുകളും പിന്വലിക്കാന് സര്ക്കാര്; നടപടികള് വേഗത്തിലാക്കാന് ഉത്തരവിട്ടു; പൗരത്വ നിയമ ഭേദഗതിയില് നിര്ണായകം, ലീഗും സിപിഎമ്മും നല്കിയതടക്കം 236 ഹര്ജികള് ഇന്ന് സുപ്രീംകോടതിയില്
ഇന്ന് ഏറെ നിര്ണായകമാണ്. പൗരത്വ നിയമ ഭേദഗതിക്കെതിരായ പ്രതിഷേധവുമായി ബന്ധപ്പെട്ട് സംസ്ഥാനത്ത് രജിസ്റ്റര് ചെയ്ത കൂടുതല് കേസുകള് പിന്വലിക്കാന് ജില്ലാ പൊലീസ് മേധാവിമാര്ക്ക് നിര്ദ്ദേശം നല്കി സംസ്ഥാന സര്ക്കാര്.
ആഭ്യന്തര സെക്രട്ടറി പുറപ്പെടുവിച്ച ഉത്തരവില് നേരത്തെ പിന്വലിക്കാന് ഉത്തരവിട്ട കേസുകളുമായി ബന്ധപ്പെട്ട അപേക്ഷകള് കോടതിയില് എത്തിയോ എന്ന് ഉറപ്പാക്കാനും നിര്ദ്ദേശിച്ചിട്ടുണ്ട്. പൗരത്വ ഭേദഗതി നിയമം രാജ്യത്ത് പ്രാബല്യത്തില് വന്നതിന് പിന്നാലെ ഇത് സംസ്ഥാനത്ത് നടപ്പാക്കില്ലെന്ന നിലപാടിലാണ് മുഖ്യമന്ത്രിയും സംസ്ഥാന സര്ക്കാരും. അതിനിടെ പ്രതിപക്ഷത്ത് നിന്ന് സിഎഎ വിരുദ്ധ പ്രക്ഷോഭത്തില് രജിസ്റ്റര് ചെയ്യാത്ത കേസുകള് സംബന്ധിച്ച് ആരോപണവും വിമര്ശനവും ഉയര്ന്നിരുന്നു.
ഈ സാഹചര്യത്തിലാണ് സംസ്ഥാന ആഭ്യന്തര വകുപ്പിന്റെ തിടുക്കത്തിലുള്ള നടപടി. പൗരത്വ ഭേദഗതി നിയമത്തിനെതിരെ ബഹുജന പ്രക്ഷോഭത്തിന് സിപിഎം തീരുമാനിച്ചിട്ടുണ്ട്. തെരഞ്ഞെടുപ്പ് പ്രഖ്യാപിച്ചിരിക്കെ സംസ്ഥാനത്ത് മുഖ്യ പ്രചാരണ വിഷയമായി പൗരത്വ ഭേദഗതി നിയമം മാറിയിട്ടുണ്ട്.
സംസ്ഥാനത്ത് സിഎഎ വിരുദ്ധ പ്രക്ഷോഭങ്ങളുമായി ബന്ധപ്പെട്ട് ആകെ 835 കേസുകളാണ് രജിസ്റ്റര് ചെയ്തത്. ഇവയില് നൂറില് താഴെ കേസുകള് മാത്രമാണ് സംസ്ഥാന സര്ക്കാര് നേരത്തെ പിന്വലിക്കാന് ആവശ്യപ്പെട്ടിരുന്നു. മറ്റുള്ള കേസുകളുടെ ഗൗരവം നോക്കി മുന്നോട്ട് പോകാനായിരുന്നു തീരുമാനം. എന്നാല് മുന്നണിയുടെയും സര്ക്കാരിന്റെയും പൗരത്വ ഭേദഗതി നിയമത്തിനെതിരായ നിലപാടില് കേസുകള് പിന്വലിക്കാത്തത് ചൂണ്ടിക്കാട്ടി പ്രതിപക്ഷം വിമര്ശിച്ചതോടെയാണ് നീക്കം.
പൗരത്വ നിയമഭേദഗതിയെ ചോദ്യം ചെയ്തുള്ള കേസുകള് സുപ്രീംകോടതി ഇന്ന് പരിഗണിക്കും. പൗരത്വനിയമത്തിന്റെ ചട്ടം വിഞ്ജാപനം ചെയ്തത് സ്റ്റേ ചെയ്യണമെന്ന് ആവശ്യപ്പെട്ടുള്ള ഹര്ജികള് ചീഫ് ജസ്റ്റീസ് അധ്യക്ഷനായ ബെഞ്ച് പരിഗണിക്കും. ആകെ 236 ഹര്ജികളാണ് സുപ്രീംകോടതിയുടെ പരിഗണയിലുള്ളത്.
മുസ്ലീം ലീഗ്, സിപിഎം സിപിഐ, ഡിവൈഎഫ്ഐ, മുന്പ്രതിപക്ഷനേതാവ് രമേശ് ചെന്നിത്തല ,വിവിധ മുസ്ലീം സംഘടനകള് എന്നിവരടക്കം ഹര്ജിക്കാരാണ്. പൗരത്വനിമയം നടപ്പാക്കില്ലെന്ന് നേരത്തെ കേന്ദ്രസര്ക്കാര് ഉറപ്പ് നല്കിയിട്ട് തിരഞ്ഞെടുപ്പ് അടുത്തിരിക്കുമ്പോള് ചട്ടം വിഞ്ജാപനം ചെയ്തതാണ് ഹര്ജിക്കാര് വാദിക്കുന്നത്.
അതേസമയം മുംബൈയില് ഇന്ത്യാസഖ്യത്തിന്റെ മഹാറാലിയില് പങ്കെടുക്കാതെ മാറിനിന്ന സിപിഎം വീണ്ടും ഒറ്റുകാരായി മതേതര ജനാധിപത്യ മുന്നേറ്റത്തെ തളര്ത്താന് ശ്രമിച്ചെന്ന് കെപിസിസി ആക്ടിംഗ് പ്രസിഡന്റ് എം എം ഹസന് പറഞ്ഞു. സ്വാതന്ത്ര്യ സമരകാലം മുതല് തുടങ്ങിയതാണ് ഇവരുടെ അഞ്ചാംപത്തി പ്രവര്ത്തനം. വയനാട്ടില് രാഹുല് ഗാന്ധിയെ നേരിടുന്ന സിപിഐ പോലും പ്രതിനിധിയെ അയച്ചപ്പോള് സിപിഎം ചരിത്രദൗത്യം ആവര്ത്തിച്ചു.
കേരള മുഖ്യമന്ത്രി പിണറായി വിജയനെ കേന്ദ്ര അന്വേഷണ ഏജന്സികളില്നിന്ന് സംരക്ഷിക്കാനാണ് സിപിഎം ദേശീയനേതൃത്വം ഇങ്ങനെയൊരു നിലപാട് സ്വീകരിച്ചത്. പിണറായി വിജയനെതിരേയുള്ള മാസപ്പടിയും ലാവ്ലിനും ഉള്പ്പെടെയുള്ള കേസുകള് എത്ര ഗൗരവതരമാണ് എന്നാണിതു സൂചിപ്പിക്കുന്നത്. പ്രധാനമന്ത്രി നരേന്ദ്രമോദി കേരളത്തില്വന്ന് മുഖ്യമന്ത്രിയുടെ ഓഫീസില് നടന്ന സ്വര്ണക്കടത്തിനെക്കുറിച്ച് പരാമര്ശിച്ചെങ്കിലും അതിനപ്പുറം ഒന്നും സംഭവിച്ചില്ല.
ത്രിപുര നിയമസഭാ ഉപതെരഞ്ഞെടുപ്പില് കോണ്ഗ്രസ് മുന്നണിയില് മത്സരിക്കാന് സിപിഎം ധാരണയായിക്കഴിഞ്ഞു. തമിഴ്നാട്, മഹാരാഷ്ട്ര, രാജസ്ഥാന്, ബീഹാര്, അസം തുടങ്ങിയ നിരവധി സംസ്ഥാനങ്ങളില് കോണ്ഗ്രസ് ഉള്പ്പെടുന്ന മുന്നണിയില് ചേര്ന്നു ലോക്സഭയിലേക്ക് മത്സരിക്കാന് സിപിഎം ശ്രമിക്കുന്നു. എന്നിട്ടും കേരളത്തില് രാഹുല് ഗാന്ധിയും കെസി വേണുഗോപാലും മത്സരിക്കരുതെന്ന് സിപിഎം നിലപാടെടുക്കുന്നത് എന്തിനാണെന്ന് എല്ലാവര്ക്കും വ്യക്തം. ആണവക്കരാറിന്റെ പേരില് യുപിഎ സര്ക്കാരിനെ വീഴ്ത്താന് ശ്രമിച്ചിട്ടുള്ള സിപിഎമ്മിന് വിപി സിംഗ് സര്ക്കാരിനെ ബിജെപിയോടൊപ്പം ചേര്ന്ന് താങ്ങിനിര്ത്തിയ ചരിത്രവുമുണ്ടെന്ന് ഹസന് പറഞ്ഞു.
https://www.facebook.com/Malayalivartha