ദുരൂഹത നീക്കാന് ഒരുങ്ങി പോലീസ്.... പട്ടാഴിമുക്കിലുണ്ടായ അപകടത്തിന്റെ ദുരൂഹത നീക്കാന് ശാസ്ത്രീയ അന്വേഷണത്തിന് പൊലീസ്... രാസ പരിശോധനക്ക് പുറമെ, അനുജയുടെയും ഹാഷിമിന്റെയും മൊബൈല് ഫോണുകളിലെ വിവരങ്ങളും പൊലീസ് വീണ്ടെടുക്കും, ഹാഷിമിന്റെ മൃതദേഹം സംസ്കരിച്ചു, അനുജയുടെ സംസ്കാരം ഇന്ന്
പട്ടാഴിമുക്കിലുണ്ടായ കാറപകടത്തിന്റെ ദുരൂഹത നീക്കാന് ശാസ്ത്രീയ അന്വേഷണത്തിന് പൊലീസ്... രാസ പരിശോധനക്ക് പുറമെ, അനുജയുടെയും ഹാഷിമിന്റെയും മൊബൈല് ഫോണുകളിലെ വിവരങ്ങളും പൊലീസ് വീണ്ടെടുക്കും, ഹാഷിമിന്റെ മൃതദേഹം സംസ്കരിച്ചു, അനുജയുടെ സംസ്കാരം ഇന്ന്
നാടിനെയാകെ ഞെട്ടിച്ച പട്ടാഴിമുക്ക് അപകടത്തില് ദുരൂഹത നീക്കാന് ഒരുങ്ങുകയാണ് അടൂര് പോലീസ്. വിനോദയാത്ര കഴിഞ്ഞു മടങ്ങിവന്ന അനുജ രവീന്ദ്രനെ വഴിമധ്യെ നിര്ബന്ധിച്ച് കൂട്ടിക്കൊണ്ടുപോയ ഹാഷിം എന്തിന് മരണത്തിലേക്ക് കാര് ഓടിച്ചു കയറ്റിയെന്നതാണ് പൊലീസിന് മുന്നിലെ ചോദ്യം.
ബന്ധുക്കള്ക്ക് ഇവരുടെ സൗഹൃദത്തെ കുറിച്ച് പോലും ഒന്നും അറിയില്ലെന്നാണ് മറുപടി . ഇത് ഇരു കുടുംബങ്ങളും ആവര്ത്തിക്കുമ്പോള് ശാസ്ത്രിയ പരിശോധനയിലൂടെ സംശയങ്ങള്ക്ക് ഉത്തരം കണ്ടെത്താനാവുമെന്ന വിശ്വാസത്തിലാണ് പൊലീസ്. കോട്ടയം മെഡിക്കല് കോളേജിലെ പോസ്റ്റ്മോര്ട്ടത്തിനു ശേഷം രാസ പരിശോധനയ്ക്ക് ആവശ്യമായ സാമ്പിളുകള് മരിച്ച രണ്ട് പേരുടെയും മൃതദേഹങ്ങളില് നിന്ന് ശേഖരിച്ചിട്ടുണ്ട്.
വാഹനാപകടം നടന്ന സമയത്ത് ഇരുവരും ഉപയോഗിച്ചിരുന്ന മൊബൈല് ഫോണുകളും പോലീസ് കണ്ടെടുത്തു. മൊബൈല് ഫോണിന്റെ ലോക്കഴിച്ച് വിവരങ്ങള് ശേഖരിക്കാനായി കഴിഞ്ഞില്ല. ഈ സാഹചര്യത്തില് വിദഗ്ധ പരിശോധനയ്ക്ക് ഫോറന്സിക് ലാബിലേക്ക് ഫോണുകള് അയക്കും. വാട്സ്ആപ്പ് ചാറ്റുകള് ഉള്പ്പെടെ വീണ്ടെടുക്കാനാണ് ശ്രമമുള്ളത്.
അനുജയെ കൊലപ്പെടുത്തിയ ശേഷം, ജീവനൊടുക്കാനായി ഹാഷിം തീരുമാനിച്ച് ഇറങ്ങിയതാണോ എന്നതില് ദുരൂഹത മാറണം. അതോ ജീവനൊടുക്കാന് ഇരുവരും ഒന്നിച്ച് തീരുമാനിച്ചതാണോ എന്നതിലും ദുരൂഹത നീക്കുകയാണ് ലക്ഷ്യമിടുന്നത്. അപകടം ഉണ്ടാകും മുന്പ് അനുജ അവസാനമായി സംസാരിച്ച തുമ്പമണ് സ്കൂളിലെ അധ്യാപകരുടെ മൊഴി വിശദമായി രേഖപ്പെടുത്തുമെന്നും പൊലീസ്.
https://www.facebook.com/Malayalivartha