കെഎസ്ആര്ടിസി ഡ്രൈവറുടെ ഡ്യൂട്ടി തടസപ്പെടുത്തിയതിനും മെമ്മറി കാര്ഡ് മോഷണത്തിനും ആര്യ രാജേന്ദ്രന് അടക്കമുള്ളവര്ക്കെതിരെ കേസെടുക്കാന് കോടതി ഉത്തരവ് ,യദു കോടതിയില് സമര്പ്പിച്ച ഹര്ജിയിലാണുത്തരവ്
പാളയം പബ്ലിക് റോഡില് സീബ്രാ ലെയിനില് കാര് കുറുകെയിട്ട് കെ എസ് ആര് ടി സി ഡ്രൈവറുടെ ഡ്യൂട്ടി തടസപ്പെടുത്തിയതിനും മെമ്മറി കാര്ഡ് മോഷണത്തിനും മേയര് ആര്യ രാജേന്ദ്രന് അടക്കമുള്ളവര്ക്കെതിരെ കേസെടുക്കാന് കോടതി ഉത്തരവ്. തിരുവനന്തപുരം ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി മൂന്നാണ് യദുവിന്റെ ഹര്ജി പരിഗണിച്ച് മേയര്ക്കെതിരെ കേസെടുക്കാന് കന്റോണ്മെന്റ് സര്ക്കിള് ഇന്സ്പെക്ടറോട് ഉത്തരവിട്ടത്.
പോലീസില് നിന്ന് ലഭിക്കാത്ത സാഹചര്യത്തില് ഡ്രൈവര് യദു സമര്പ്പിച്ച സ്വകാര്യ അന്യായത്തിലാലാണ് മജിസ്ട്രേറ്റ് അഭിനിമോള് രാജേന്ദ്രന് ഉത്തരവ് നല്കിയത്. മേയര് ആര്യാ രാജേന്ദ്രന്, ഭര്ത്താവ് സച്ചിന്ദേവ് എം.എല്.എ., മേയറുടെ സഹോദരന് അരവിന്ദ്, ഭാര്യ ആര്യ, കണ്ടാലറിയാവുന്ന ആള് എന്നിവര്ക്കെതിരേ കേസെടുക്കാനാണ് കോടതിയുടെ നിര്ദേശം. ഔദ്യോഗിക കൃത്യനിര്വഹണം തടസപ്പെടുത്തല്, അന്യായമായി തടങ്കലില്വയ്ക്കല്, അസഭ്യം പറയല് അടക്കമുള്ള കുറ്റങ്ങള്ക്ക് കേസ് രജിസ്റ്റര് ചെയ്ത് അന്വേഷണം നടത്താനാണ് കോടതി ഉത്തരവ്. പരാതിയും ഉത്തരവും കോടതി സി ഐക്ക് കൈമാറി.
പോലീസ് തന്റെ പരാതിയില് കേസ് എടുക്കാത്തതിനാലാണ് കെഎസ്ആര്ടിസി ബസ് തടഞ്ഞ തിരുവനന്തപുരം മേയര് ആര്യ രാജേന്ദ്രനും ഭര്ത്താവും എംഎല്എയുമായ സച്ചിന് ദേവിനുമെതിരെ കേസെടുക്കണമെന്ന് ആവശ്യപ്പെട്ട് കോടതിയെ സമീപിച്ചത്.
മേയറും സംഘവും ബസ് തടഞ്ഞതില് ഡ്രൈവറുടെ പരാതിയില് പൊലീസ് കേസെടുത്തിരുന്നില്ല. മേയറുടെ പരാതിയില് ഡ്രൈവര്ക്കെതിരെ മാത്രമാണ് കേസെടുത്തത്. പൊലീസ് മടിക്കുന്ന സാഹചര്യത്തിലാണ് ഡ്രൈവര് യദു മജിസ്ട്രേറ്റ് കോടതിയെ സമീപിച്ചത്. സീബ്രാ ലൈനില് കാറിട്ട് ബസ് തടഞ്ഞ് കൃത്യനിര്വ്വഹണം തടസ്സപ്പെടുത്തിയെന്നാണ് പരാതി. ഇതിനിടെ, ഡ്രൈവര് മേയറോട് അശ്ലീല ആംഗ്യം കാണിക്കുന്നത് കണ്ടിട്ടില്ലെന്നാണ് ബസ് കണ്ടക്ടര് സുബിന് പൊലീസിന് മൊഴി നല്കിയത്. പിന്സീറ്റിലായതിനാല് ഒന്നും കണ്ടിട്ടില്ലെന്നാണ് മൊഴി. മേയര് സഞ്ചരിച്ച വാഹനത്തെ ബസ് ഓവര് ടേക് ചെയ്തിട്ടുണ്ടോയെന്നും വ്യക്തമല്ലെന്നാണ് കന്റോണ്മെന്റ് പൊലീസിന് നല്കിയ മൊഴി.
"
https://www.facebook.com/Malayalivartha