സത്യപ്രതിജ്ഞ കഴിഞ്ഞിട്ടും വിഡിഎസ് മന്ത്രിസഭയില് വകുപ്പ് വിഭജനം പ്രതിസന്ധിയില്
സത്യപ്രതിജ്ഞ കഴിഞ്ഞ് മണിക്കൂറുകള് പിന്നിട്ടിട്ടും പുതിയ മന്ത്രിമാരുടെ വകുപ്പ് വിഭജനം പൂര്ത്തിയാക്കാനാകാതെ വി.ഡി. സതീശന് സര്ക്കാര് പ്രതിസന്ധിയില്. ഉന്നതവിദ്യാഭ്യാസം, ഫിഷറീസ്, കൃഷി വകുപ്പുകളെ ചൊല്ലി ഘടകകക്ഷിയായ മുസ്ലിം ലീഗും കോണ്ഗ്രസും തമ്മില് നടക്കുന്ന കടുത്ത തര്ക്കങ്ങളാണ് വിജ്ഞാപനം നീളാന് കാരണമെന്നാണ് സൂചന.
ഫിഷറീസ് ലീഗിന് നല്കുന്നതില് കോണ്ഗ്രസില് എതിര്പ്പ് ഉയര്ന്നിട്ടുണ്ട്. ഫിഷറീസ് വകുപ്പ് തന്നാലേ ഉന്നത വിദ്യാഭ്യാസ വകുപ്പ് വിട്ടു നല്കൂ എന്ന നിലപാടിലാണ് ലീഗ്. ഉന്നത വിദ്യാഭ്യാസ വകുപ്പ് റോജി.എം ജോണിന് നല്കാനായിരുന്നു കോണ്ഗ്രസില് തീരുമാനം. അങ്ങനെയെങ്കില് കോണ്ഗ്രസില് നേരത്തെ കൈവശം വച്ചിരുന്ന ഫിഷറീസ് വകുപ്പ് വേണം എന്ന നിലപാടിലാണ് ലീഗ്. ടി. സിദ്ദിഖിന് കൃഷി വകുപ്പാണ് തീരുമാനിച്ചിരിക്കുന്നത്. എന്നാല് സിദ്ദിഖിന് ഈ വകുപ്പില് താല്പ്പര്യമില്ലെന്നാണ് റിപ്പോര്ട്ട്. അങ്ങനെ വകുപ്പ് വിഭജനത്തില് തര്ക്കങ്ങള് നീളുങ്ങുകയാണ്.
വകുപ്പ് വിഭജനത്തിലെ ഈ അനിശ്ചിതത്വത്തിന് പുറമേ, വരാനിരിക്കുന്ന പുതുക്കിയ ബജറ്റില് പ്രകടനപത്രികയിലെ ജനപ്രിയ വാഗ്ദാനങ്ങള്ക്കും ഗ്യാരന്റികള്ക്കും ആവശ്യമായ അധികപ്പണം കണ്ടെത്തുക എന്നതും പുതിയ മുഖ്യമന്ത്രിക്ക് മുന്നിലെ വലിയ വെല്ലുവിളിയാണ്. വകുപ്പ് തര്ക്കങ്ങള് നിലനില്ക്കുമ്പോഴും, രാഹുല് ഗാന്ധി പ്രഖ്യാപിച്ച ഇന്ദിരാ ഗ്യാരന്റികളില് രണ്ടെണ്ണം നടപ്പാക്കുമെന്ന് വി.ഡി. സതീശന് വ്യക്തമാക്കി.
കെ.എസ്.ആര്.ടി.സി ബസുകളില് സ്ത്രീകള്ക്ക് സൗജന്യ യാത്ര അനുവദിക്കുന്ന പദ്ധതി ജൂണ് 15 മുതല് ആരംഭിക്കും. സംസ്ഥാനത്ത് വയോജനങ്ങളുടെ ക്ഷേമത്തിനായി പ്രത്യേക വയോജന വകുപ്പ് രൂപീകരിക്കും. സ്കൂള് പാചക തൊഴിലാളികള്, അങ്കണവാടി ജീവനക്കാര്, പ്രീെ്രെപമറി സ്കൂള് ജീവനക്കാര് എന്നിവരുടെ വേതനത്തില് 1000 രൂപയുടെ വര്ദ്ധനവ് വരുത്തും.
https://www.facebook.com/Malayalivartha
