128ാമത് പുഷ്പ പ്രദർശനം ഊട്ടി ഗവ. ബൊട്ടാണിക്കൽ ഗാർഡനിൽ നാളെ ആരംഭിക്കും. 28 വരെയാണ് പ്രദർശനമുള്ളത്. ഈ വർഷത്തെ പ്രത്യേക ആകർഷണം പൂക്കളാൽ തീർത്ത ചരിത്ര സ്മാരകങ്ങളുടെ രൂപങ്ങളാണ്. ഓരോ ഇതളും കരുതലോടെ വിന്യസിച്ച് കാർഷിക വകുപ്പ് വിദഗ്ധർ ഒരുക്കുന്ന ഈ ജീവിക്കുന്ന ശിൽപങ്ങൾ കാണികൾക്ക് വിസ്മയമൊരുക്കുകയും ചെയ്യും. കാർഷിക-ഉദ്യാന വകുപ്പ് മാസങ്ങളുടെ പരിശ്രമത്തിലാണ് ഈ കാഴ്ച ഒരുക്കിയിട്ടുള്ളത്.

ലോകത്തിന്റെ വിവിധ ഭാഗങ്ങളിൽനിന്നുള്ള അപൂർവയിനം പൂച്ചെടികളും ഇത്തവണ പ്രദർശനത്തിനുണ്ടാകും.നാളെ നീലഗിരി ജില്ലയിൽ പ്രാദേശിക അവധി പ്രഖ്യാപിച്ചിട്ടുണ്ട്. സ്കൂളുകൾക്കും സർക്കാർ ഓഫിസുകൾക്കും അവധിയായതിനാൽ കൂടുതൽ പേർക്ക് പങ്കെടുക്കാനാകും. ഇതിനിടെ വൈകുന്നേരങ്ങളിലെ മഴ പുഷ്പോത്സവത്തിന് മങ്ങലേൽപ്പിക്കുമോയെന്ന ആശയേറെയാണ്.