കേരളത്തിലെ ബി.ജെ.പി യുടെ ഭാവി പരിപാടികള്‍ ആസൂത്രണം ചെയ്യുന്നതിന് ബി.ജെ.പി ദേശീയ അധ്യക്ഷന്‍ അമിത് ഷാ ഉടന്‍ കേരളത്തിലെത്തുന്നു. സംസ്ഥാനത്തെ തിരഞ്ഞെടുപ്പിന് ശേഷമുള്ള സാഹചര്യം വിലയിരുത്തുന്നതിനു സംസ്ഥാന നേതാക്കള്‍ അമിത് ഷാ യുമായി കൂടിക്കാഴ്ച്ച നടത്തി. ബി.ജെ.പി ദേശീയ നിര്‍വാഹക സമിതി യോഗത്തിനു മുന്നോടിയായി ബി.ജെ.പി സംസ്ഥാന നേതാക്കള്‍ നടത്തിയ കൂടിക്കാഴ്ചക്ക് ശേഷമാണ് അമിത് ഷായുടെ കേരള സന്ദര്‍ശനത്തിനുള്ള തീരുമാനം.

കേരളത്തില്‍ നിയമ വാഴ്ച ഇല്ലാതായെന്ന് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്‍ വിമര്‍ശിച്ചു.നിയമസഭാ തിരഞ്ഞെടുപ്പിന് ശേഷം കണ്ണൂര്‍ ജില്ലയിലടക്കം നടന്ന ബി.ജെ.പിസി.പി.എം സംഘര്‍ഷങ്ങളെ ചൂണ്ടിക്കാട്ടിയാണ് കുമ്മനം വിമര്‍ശിച്ചത്. സംസ്ഥാനത്തെ സംഘര്‍ഷാവസ്ഥ ആയുധമാക്കി സി.പി.എമ്മിനെതിരെ സംസ്ഥാനത്തൊട്ടാകെ പ്രധിഷേധ പരിപാടികള്‍ സംഘടിപ്പിക്കുമെന്ന് കുമ്മനം അറിയിച്ചു. 
മുഖ്യമന്ത്രി പിണറായി വിജയന്റെ നാട്ടില്‍ ഈ മാസം 8 നു നടക്കുന്ന പ്രധിഷേധ പരിപാടിയില്‍ ബി.ജെ.പി എം.പി മീനാക്ഷി ലേഖി പങ്കെടുക്കും. തിരുവനന്തപുരത്ത് 11 നു നടക്കുന്ന പരിപാടിയില്‍ കേന്ദ്രമന്ത്രി രവി ശങ്കര്‍ പ്രസാദ് സംസാരിക്കും.

റബ്ബര്‍ ബോര്‍ഡ്, കോഫി ബോര്‍ഡ്, സ്‌പൈസസ് ബോര്‍ഡ് തുടങ്ങിയ കേന്ദ്ര സര്‍ക്കാര്‍ സ്ഥാപനങ്ങളില്‍ കേരളത്തില്‍ നിന്നുള്ള നേതാക്കള്‍ക്കു പ്രാതിനിധ്യം നല്‍കുന്ന കാര്യം കേന്ദ്രമന്ത്രിമാരുമായുള്ള കൂടിക്കാഴ്ചയില്‍ ഉന്നയിക്കുമെന്നും ബിജെപി നേതാക്കള്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha