രാഹുൽ ഈശ്വറിനെ പൊലീസ് കസ്റ്റഡിയിലെടുത്തു...സൈബർ പൊലീസ് രാഹുലിനെ ചോദ്യം ചെയ്യുകയാണ്... ഫോണും ലാപ്ടോപ്പും ഹാജരാക്കാൻ നിർദേശിച്ചു..4 പേരുടെ യുആര്‍എല്‍ ആണ് പരാതിക്കാരി സമര്‍പ്പിച്ചത്...
രാഹുൽ മാങ്കൂട്ടത്തിലിനെതിരെ ലൈംഗിക പീഡന പരാതി നൽകിയ യുവതിയെ സമൂഹമാധ്യമങ്ങളിലൂടെ അപമാനിച്ച രാഹുൽ ഈശ്വറിനെ പൊലീസ് കസ്റ്റഡിയിലെടുത്തു. സൈബർ പൊലീസ് രാഹുലിനെ ചോദ്യം ചെയ്യുകയാണ്. സൈബർ പൊലീസ് വീട്ടിലെത്തി ചോദ്യം ചെയ്യലിന് ഹാജരാകാൻ നിർദേശിക്കുകയായിരുന്നു. ഫോണും ലാപ്ടോപ്പും ഹാജരാക്കാൻ നിർദേശിച്ചു. എആർ ക്യാംപിലെ വളപ്പിൽ സ്ഥിതി ചെയ്യുന്ന സൈബർ പൊലീസ് സ്റ്റേഷനിലാണ് ചോദ്യം ചെയ്യൽ.
സമൂഹമാധ്യമങ്ങളിലൂടെ അപമാനിക്കുന്നതായി യുവതി പരാതി നൽകിയിരുന്നു.കഡിയിലെടുത്ത് അല്‍പസമയങ്ങള്‍ക്ക് മുമ്പാണ് രാഹുലിനെ തിരുവനന്തപുരത്തെ എ.ആര്‍ ക്യാമ്പില്‍ എത്തിച്ചത്. വൈകാതെ ചോദ്യം ചെയ്യും. സൈബര്‍ എസിപിയുടെ നേതൃത്വത്തിലായിരിക്കും ചോദ്യംചെയ്യല്‍. രാഹുലിന്റെ അറസ്റ്റിലേക്കും കാര്യങ്ങള്‍ എത്തുമെന്നാണ് സൂചനകള്‍. പരാതിക്കാരി നല്‍കി പരാതിയിലാണ് ഹാജരാകാന്‍ ആവശ്യപ്പെട്ടത്. രാഹുല്‍ ഈശ്വര്‍ ഉള്‍പ്പെടെ 4 പേരുടെ യുആര്‍എല്‍ ആണ് പരാതിക്കാരി സമര്‍പ്പിച്ചത്. ഇത് പരിശോധിച്ചതിന് ശേഷമാണ് പൊലീസ് തുടര്‍നടപടികളിലേക്ക് കടന്നത്.
സന്ദീപ് വാര്യരുടേയും രണ്ടു വനിതകളുടേയും യുആര്‍എല്‍ ഉള്‍പ്പെടെ നല്‍കിയ പരാതിയിലാണ് പൊലീസിന്റെ നിര്‍ണായക നീക്കം.പെണ്‍കുട്ടിയുടെ ഐഡന്റിറ്റി വെളിപ്പെടുത്തുന്ന തരത്തിലുള്ള സൈബര്‍ ആക്രമണമായിരുന്നു കഴിഞ്ഞ ദിവസങ്ങളില്‍ നടന്നിരുന്നത്. കോണ്‍ഗ്രസുമായി ബന്ധപ്പെട്ട് ചില ഡിജിറ്റല്‍ മീഡിയ സെല്‍ അംഗങ്ങള്‍ നടത്തിയ സൈബര്‍ ആക്രമണങ്ങള്‍ ഉള്‍പ്പെടെയുള്ളവ ചേര്‍ത്താണ് അതിജീവിത പരാതി നല്‍കിയത്.
കഴിഞ്ഞ ദിവസം രാഹുല്‍ ഈശ്വര്‍, സന്ദീപ് വാര്യര്‍ അടക്കമുള്ളവര്‍ പെണ്‍കുട്ടിയുടെ ഐഡന്റിറ്റി വെളിപ്പെടുത്തുന്ന തരത്തില്‍ പോസ്റ്റുകള്‍ പങ്കുവച്ചതിനെതിരെ വലിയ വിമര്‍ശനം ഉയര്‍ന്നിരുന്നു. ഇരയിലേക്ക് സൂചന നല്‍കുന്ന വിവരങ്ങളുമായി രാഹുല്‍ ഈശ്വര്‍ വീഡിയോ ചെയ്തിരുന്നു എന്നുമാണ് പരാതി ഉയര്‍ന്നത്. രാഹുല്‍ പറഞ്ഞ കാര്യങ്ങള്‍ ശരിയെന്ന് കാണിച്ച് സന്ദീപ് വാര്യര്‍ പിന്നാലെ പോസ്റ്റിട്ടു.
https://www.facebook.com/Malayalivartha
