അതിപ്പോ സഖാവായാലും ശരി, കോണ്‍ഗ്രസ്സുകാരനായാലും ശരി, മേലാല്‍ ആവര്‍ത്തിക്കരുത്
നടപടിക്രമങ്ങളില്‍ തെറ്റുവ വരുത്തിയാല്‍ കര്‍ക്കശമായ നിലപാടെടുക്കുക എന്നത് പിണറായി വിജയന്റെ സ്വഭാവ സവിശേഷതകളില്‍ ഒന്നാണ്. സിപിഎം പാര്‍ട്ടി സെക്രട്ടറി എന്ന നിലയില്‍ നിന്ന് മുഖ്യമന്ത്രി പദത്തിലേക്കെത്തിയപ്പോഴും വിട്ടു വീഴ്ചയില്ലാത്ത പല തീരുമാനങ്ങള്‍ എടുക്കുന്നതിനു ആരെയും കൂസാത്ത പ്രകൃതക്കാരനാനിന്നു തെളിയിക്കുകയാണ് ഇപ്പോഴത്തെ മുഖ്യമന്ത്രി പിണറായി വിജയന്‍.
അസമയത്ത് കോണ്‍ഗ്രസ് സാമാജികനൊപ്പം തന്നെ സന്ദര്‍ശിക്കാനെത്തിയ സിപിഎം എംഎല്‍എയ്ക്ക് ആണ് ഇത്തവണ പിണറായിയുടെ ശകാരം ഏല്‍ക്കേണ്ടി വന്നത്. മുന്‍കൂട്ടി അനുവാദം വാങ്ങാതെ പ്രതിപക്ഷ എംഎല്‍എയ്ക്കൊപ്പമെത്തിയതാണു പിണറായിയെ ചൊടിപ്പിച്ചത്. കാട്ടാക്കട എം.എല്‍.എയും സിപിഎം ജില്ലാ കമ്മറ്റിയംഗവുമായ ഐ.ബി. സതീഷിനെയാണു പിണറായി ശാസിച്ചത്.
കോവളം എം.എല്‍.എ എം. വിന്‍സെന്റിന്റെ കൂടെ കരമനകളിയിക്കാവിള റോഡ് വികസനവുമായി ബന്ധപ്പെട്ടാണ് ഇരു നേതാക്കളും കരമനകളിയിക്കാവിള ആക്ഷന്‍ കൗണ്‍സില്‍ പ്രവര്‍ത്തകരോടൊപ്പം മുഖ്യമന്ത്രിയെ കാണാനെത്തിയത്. ആദ്യം അനിഷ്ടം മറച്ചുവച്ച് മുഖ്യമന്ത്രി ഇരുവരോടും ആവശ്യത്തെപ്പറ്റി സംസാരിച്ചു.
ഉചിതമായ നടപടി സ്വീകരിക്കാമെന്നു പറഞ്ഞശേഷമാണു പിണറായി സതീഷിനോടു കയര്‍ത്തത്. മറ്റു പല കാര്യങ്ങളും ചെയ്തുതീര്‍ക്കുന്നതിനിടെ നിങ്ങളുടെ വരവ് തനിക്കിഷ്ടപ്പെട്ടില്ലെന്നു സതീഷിനോടു പിണറായി തുറന്നടിച്ചു. പിണറായി അസംന്തുഷ്ടി പ്രകടിപ്പിച്ചതോടെ എംഎല്‍എയ്ക്കൊപ്പമെത്തിയ വിന്‍സെന്റിനെയും ആക്ഷന്‍ കൗണ്‍സില്‍ പ്രവര്‍ത്തകരെയും സ്തബ്ധരാക്കി.
https://www.facebook.com/Malayalivartha
