സങ്കടക്കാഴ്ചയായി... പുത്തല്‍കുന്ന് മുസ്ലീം പള്ളിക്ക് സമീപം പിക്കപ്പ് ജീപ്പും ഓട്ടോറിക്ഷയും കൂട്ടിയിടിച്ച് രണ്ടുപേര്‍ക്ക് ദാരുണാന്ത്യം. ഓട്ടോറിക്ഷ ഡ്രൈവർ ചീരാല്‍ കഴമ്പ് സ്വദേശി മാവേലിനഗര്‍ കൊട്ടൂര്‍ വീട്ടില്‍ കലാധരന്‍ (55), യാത്രക്കാരനായ ആത്താര്‍ വീട്ടില്‍ ബാലകൃഷ്ണന്‍ (68) എന്നിവരാണ് മരിച്ചത്.

അപകടത്തില്‍ പരിക്കേറ്റ സഹയാത്രികന്‍ കഴമ്പ് പട്ടണം ചിറ ഉന്നതിയിലെ നാരായണന്‍ (60) ചികിത്സയിൽ കഴിയുകയാണ്. ബുധനാഴ്ച വൈകുന്നേരം 4.30 ഓടെയാണ് അപകടം നടന്നത്. സുൽത്താൻ ബത്തേരി ഭാഗത്ത് നിന്നും നമ്പിക്കൊല്ലി ഭാഗത്തേക്ക് പോകുകയായിരുന്ന ഓട്ടോയും എതിരെ വന്ന പിക്കപ്പുമാണ് അപകടത്തില്‍പെട്ടത്.