ലോ അക്കാദമി അംഗീകാരം നല്‍കിയതിന്റെ രേഖകള്‍ കൈവശമില്ലെന്ന് കേരള സര്‍വകലാശാല
ലോ അക്കാദമിക്ക് അംഗീകാരം നല്‍കിയതിന്റെ രേഖകളൊന്നും കൈവശമില്ലെന്ന് കേരള സര്‍വകലാശാല. അക്കാദമിയുടെ കൈവശമുള്ള ഭൂമിയെ കുറിച്ച് കൃത്യമായ വിവരം ഇല്ലെന്നും സര്‍വകലാശാല അറിയിച്ചു. കോണ്‍ഗ്രസ് നേതാവും സിന്‍ഡിക്കേറ്റ് അംഗവുമായ ജ്യോതികുമാറിന് ലഭിച്ച വിവരാവകാശ രേഖയിലാണ് ഇക്കാര്യം പറയുന്നത്.
ഗവര്‍ണറും മുഖ്യമന്ത്രിയും വിദ്യാഭ്യാസ മന്ത്രിയും അടങ്ങിയ ട്രസ്റ്റിനാണ് ലോ അക്കാദമിക്കുളള ഭൂമി നല്‍കിയിരിക്കുന്നതെന്നാണ് നിയമസഭാ രേഖകള്‍ വ്യക്തമാക്കുന്നത്. ഈ ട്രസ്റ്റ് ഇപ്പോള്‍ നിലവിലില്ല. 1968ലാണ് 11.49 ഏക്കര്‍ ഭൂമി സര്‍ക്കാര്‍ ലോ അക്കാദമിക്ക് പാട്ടത്തിന് നല്‍കുന്നത്.
അതിനിടെ അക്കാദമിയില്‍ സിന്റിക്കേറ്റ് ഉപസമിതി നടത്തിയ പ്രാഥമിക വിലയിരുത്തലില്‍ ഇന്‍േറണല്‍ മാര്‍ക്കിനെ കുറിച്ചും ഹാജര്‍ പരിശോധനയിലെ പൊരുത്തക്കേടുകളെ കുറിച്ചുമുള്ള വിദ്യാര്‍ഥികളുടെ പരാതികളില്‍ സത്യമുണ്ടെന്ന് കണ്ടെത്തിയിട്ടുണ്ട്. മറ്റ് രേഖകളില്‍ പരിശോധന തുടരുന്ന സമിതി അന്തിമ റിപ്പോര്‍ട്ട് നാളെ തയ്യാറാക്കും. അതേസമയം ലോ അക്കാദമി പ്രിന്‍സിപ്പല്‍ ലക്ഷ്മി നായര്‍ രാജിവെക്കണമെന്നാവശ്യപ്പെട്ട് വിദ്യാര്‍ഥി സംഘടനകള്‍ നടത്തുന്ന സമരം തുടരുകയാണ്.
https://www.facebook.com/Malayalivartha
