നടനും ടിവികെ നേതാവുമായ വിജയ്‌യുടെ ഭാര്യ സംഗീത വിവാഹ മോചനത്തിനായി കോടതിയെ സമീപിച്ചു. വിജയ്ക്ക് ഒരു മുൻ നിര നടിയുമായി അവിഹിത ബന്ധമുണ്ടെന്ന് ചൂണ്ടിക്കാണിച്ചാണ് സംഗീത വിവാഹ മോചനം ആവശ്യപ്പെട്ടത്. 2021 ല്‍ ഈ ബന്ധം താൻ കണ്ടെത്തി. അവിഹിത ബന്ധം തുടരില്ലെന്ന് വിജയ് വാക്ക് നല്‍കി. എന്നാൽ ആ ബന്ധം വീണ്ടും തുടർന്നു. ഇതോടെയാണ് സംഗീത വിവാഹ മോചനത്തിനൊരുങ്ങുന്നത്.

ചെങ്കല്‍പ്പേട്ട് കുടുംബ കോടതിയിൽ സംഗീത ഹര്‍ജി ഫയല്‍ ചെയ്തു. കേസില്‍ വിജയ്‌യോട് ഏപ്രില്‍ 20 ന് ഹാജരാകാന്‍ കോടതി ആവശ്യപ്പെട്ടു. ചൊവ്വാഴ്ചയായിരുന്നു സംഗീത കോടതിയില്‍ ഹര്‍ജി ഫയല്‍ ചെയ്തത്. നിലവില്‍ വിജയിയും സംഗീതയും ഒരേ വീട്ടില്‍ തന്നെ അകന്നു കഴിയുകയാണ്.

തിരഞ്ഞെടുപ്പ് അടുത്തിരിക്കെ സംഗീതയുടെ വിവാഹ മോചന ഹര്‍ജി വിജയ്ക്കും ടിവികെ പാര്‍ട്ടിയ്ക്കും തിരിച്ചടിയായി മാറും എന്ന കാര്യത്തിൽ സംശയമില്ല. 25 വര്‍ഷത്തെ ദാമ്പത്യത്തിനൊടുവിലാണ് വിവാഹമോചനം ആവശ്യപ്പെട്ട് കോടതിയെ സമീപിച്ചത്. വിജയ് യും സംഗീതയും 1999ൽ വിവാഹിതരായി. ഇരുവര്‍ക്കും രണ്ട് മക്കളുണ്ട്.