ഹെയര് എക്സ്റ്റെന്ഷന് ആരോഗ്യത്തിന് ദോഷകരമാണോ?
തലമുടിയെ ഭംഗികൂട്ടാന് ഇപ്പോള് പലമാര്ഗ്ഗങ്ങളും ഉണ്ട്. ഇപ്പോള് ഭംഗി മാത്രമല്ല, നീളമോ കനമോ കുറഞ്ഞാല് ഹെയര് എക്സ്റ്റന്ഷന് ഉപയോഗിക്കുന്നവരുടെ എണ്ണം വര്ധിച്ചുവരുകയാണ്. എന്നാല് ഇത് ആരോഗ്യത്തിന് ദോഷകരമാണെന്ന് ഒരു പഠനം മുന്നറിയിപ്പ് നല്കുന്നു. ഹെയര് എക്സ്റ്റെന്ഷനുകളില് ഉപയോഗിക്കുന്ന രാസവസ്തുക്കള് കാന്സറിനും ഹോര്മോണ് തകരാറിനും ശ്വസനപ്രശ്നങ്ങള്ക്കും കാരണമാകുമെന്ന് ഗവേഷകര് പറയുന്നു.
എന്വയണ്മെന്റ് ആന്ഡ് ഹെല്ത്ത് എന്ന ജേണലിലാണ് പഠനം പ്രസിദ്ധീകരിച്ചിരിക്കുന്നത്. കോടിക്കണക്കിന് രൂപയുടെ ആഗോള വിപണിയാണ് ഹെയര് എക്സ്റ്റെന്ഷനുകള്ക്കുള്ളത്. ലോകത്ത് ദശലക്ഷക്കണക്കിന് ആളുകളാണ് സിന്തറ്റിക് ബ്രെയ്ഡുകള്, വീവ്സ്, ക്ലിപ്പ് ഇന്സ് തുടങ്ങിയവ ധരിക്കുന്നത് സൗന്ദര്യവര്ധനവിനും സ്റ്റൈലിനും ഇത്തരത്തില് ഉള്ള ഹെയര് എക്സ്റ്റന്ഷനുകള് ഉപയോഗിക്കുന്നവര് ഇതിന്റെ പിന്നിലുള്ള അപകടം മനസ്സിലാക്കണം.
ഹെയര് എക്സ്റ്റന്ഷനുകളില് അടങ്ങിയ വിഷാംശം അടങ്ങിയ രാസവസ്തുക്കള് ഏതൊക്കെ എന്ന് നോക്കാം. മസാച്ചുസെറ്റ്സിലെ ന്യൂട്ടണിലുള്ള സൈലന്റ്സ് സ്പ്രിങ് ഇന്സ്റ്റിറ്റിയൂട്ടിലെ ശാസ്ത്രജ്ഞര് ഈ അടുത്ത് നടത്തിയ ലബോറട്ടറി അനാലിസിസില് സിന്തറ്റിക് ഹെയര് ഉല്പന്നങ്ങളില് നിരവധി അപകടകരമായ രാസവസ്തുക്കള് അടങ്ങിയിട്ടുണ്ടെന്ന് കണ്ടു. ലുക്കീമിയ അഥവാ രക്താര്ബുദത്തിനു കാരണമാകുന്ന ബെന്സീന്, ശ്വസനസംബന്ധമായ അസ്വസ്ഥതകള്ക്കും ചിലയിനം കാന്സറുകള്ക്കും കാരണമാകുന്ന ഫോര്മാല്ഡിഹൈഡ്, ഹോര്മോണ് അസന്തുലനവും വന്ധ്യതാപ്രശ്നങ്ങളും ഉണ്ടാക്കുന്ന താലേറ്റുകള്, ലെഡും മറ്റ് ഹെവി മെറ്റലുകളും, വൊളൈറ്റല് ഓര്ഗാനിക് സംയുക്തങ്ങള് എന്നിവ ഹെയര് കെയര് ഉല്പന്നങ്ങളില് അടങ്ങിയിട്ടുണ്ട്.
ഇവയില് മിക്ക വസ്തുക്കളും ഉല്പാദനസമയത്ത് ഇവയുടെ ടെക്സ്ചര് നിലനിര്ത്താനും തിളക്കം വര്ധിപ്പിക്കാനും പൂപ്പലിന്റെ വളര്ച്ച തടയാനും ചേര്ക്കുന്നതാണ്. ദീര്ഘകാലം, പ്രത്യേകിച്ച് തലയോട്ടിയുമായി ഇവയ്ക്ക് സമ്പര്ക്കം ഉണ്ടായാല് അത് ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. ഹെയര് എക്സ്റ്റന്ഷനുകള് ആരോഗ്യത്തെ എങ്ങനെ ബാധിക്കുന്നു എന്നറിയാം തലയോട്ടി വളരെ പെട്ടെന്ന് ആഗിരണം ചെയ്യുന്ന ഒന്നായതിനാല് രാസവസ്തുക്കള് ചര്മവുമായി സമ്പര്ക്കം വരുമ്പോള് ഇവയെ വലിച്ചെടുക്കുന്നു. ഇത് അപകടകരമാണെന്ന് റിസര്ച്ച് സയന്റിസ്റ്റും പഠനത്തിന് നേതൃത്വം നല്കിയ ആളുമായ എലിസ ഫ്രാങ്കഌന് പറയുന്നു.
https://www.facebook.com/Malayalivartha
