ഗുരുവായൂര് ക്ഷേത്രോത്സവത്തിന് നാളെ കൊടിയേറും....സ്വര്ണ ധ്വജത്തില് സപ്തവര്ണ്ണക്കൊടി ഉയരുന്നതോടെ ഗുരുപവനപുരി ഉത്സവ ലഹരിയിലാകും
ഗുരുവായൂര് ക്ഷേത്രോത്സവത്തിന് നാളെ കൊടിയേറും. ക്ഷേത്രത്തില് രാവിലെ നടക്കുന്ന ആനയില്ലാ ശീവേലിക്കും ഉച്ചകഴിഞ്ഞ് മൂന്നിന് നടക്കുന്ന ആനയോട്ടത്തിനും ശേഷം രാത്രിയിലാണ് കൊടിയേറ്റം നടക്കുക.
ക്ഷേത്രത്തില് ആനയില്ലാതിരുന്ന കാലത്തെ അനുസ്മരിക്കുന്നതിന് വര്ഷത്തില് ഒരിക്കല് മാത്രം നടക്കാറുള്ള ചടങ്ങുകളാണ് ആനയില്ലാ ശീവേലിയും ആനയോട്ടവും. സ്വര്ണ ധ്വജത്തില് സപ്തവര്ണ്ണക്കൊടി ഉയരുന്നതോടെ ഗുരുപവനപുരി ഉത്സവ ലഹരിയിലാകും.
രാവിലെ ശീവേലിക്ക് ശാന്തിയേറ്റ കീഴ്ശാന്തി നമ്പൂതിരി ഭഗവാന്റെ തിടമ്പ് മാറോട് ചേര്ത്ത് പിടിച്ച് കുത്തുവിളക്കിന്റെയും വാദ്യത്തിന്റെയും അകമ്പടിയില് നടന്ന് ശീവേലി പ്രദക്ഷിണം പൂര്ത്തിയാക്കിയാണ് ആനയില്ലാ ശീവേലി നടത്തുന്നത്.
ഉച്ചകഴിഞ്ഞ് മൂന്നിനാണ് ആനയോട്ടം നടക്കുക. ദേവസ്വത്തിന്റെ 10 ആനകള് ആനയോട്ടത്തില് അണിനിരക്കും. മുന്നില് നില്ക്കുന്ന മൂന്ന് ആനകളാണ് ഓടുന്നത്. ആദ്യം ഓടിയെത്തി ക്ഷേത്ര മതില്ക്കെട്ടിനകത്തേക്ക് പ്രവേശിക്കുന്ന ആനയെ വിജയിയായി പ്രഖ്യാപിക്കുകയും ചെയ്യും.
സന്ധ്യയ്ക്ക് 6.30ന് കൊടിയേറ്റ ചടങ്ങുകള് തുടങ്ങും . ഉത്സവ ദിവസങ്ങളില് ക്ഷേത്രത്തിലെത്തുന്ന മുഴുവന് ഭക്ത ജനങ്ങള്ക്കും രാവിലെ ഭഗവത് പ്രസാദമായി കഞ്ഞിയും പുഴുക്കും നല്കും. ദിവസവും കാഴ്ച ശീവേലിക്ക് പ്രഗത്ഭരുടെ മേളം അകമ്പടിയാകുകയും ചെയ്യും.
"https://www.facebook.com/Malayalivartha
