ഒമാനെയും ആക്രമിച്ച് ഇറാൻ. ഗൾഫ് മേഖല ആശങ്കയിലാണ്. മധ്യസ്ഥ രാജ്യമായ ഒമാനിൽ ആക്രമണം ഉണ്ടായി. ദുഖും തുറമുഖത്തു രണ്ടു ഡ്രോണുകൾ പതിച്ചു. ജോലിക്കാരുടെ താമസ സ്ഥലത്ത് വീണ് ഒരു പ്രവാസിക്ക് പരിക്കേൽക്കുന്ന സാഹചര്യമുണ്ടായി . മൊബൈൽ താമസ കേന്ദ്രങ്ങളിലും ഇന്ധന ടാങ്കിന് സമീപവുമാണ് ഡ്രോണുകൾ പതിച്ചത്.

ഒമാനിലെ ഖസബ് തുറമുഖത്തിന് സമീപം ഓയിൽ ടാങ്കർ കപ്പലിന് നേരെയും ആക്രമണം 15 ഇന്ത്യക്കാർ, 5 ഇറാൻ പൗരന്മാർ എന്നിവരാണ് കപ്പലിൽ ഉണ്ടായിരുന്നത്. നാല് ജീവനക്കാർക്ക് പരിക്കേറ്റു. ജീവനോടെ അവരെ രക്ഷിക്കാനായി. ഒമാൻ സമുദര സുരക്ഷാ കേന്ദ്രമാണ് ഇടപെട്ടത്.

ദുബായിൽ രണ്ട് സ്വദേശി പൗരന്മാരുടെ വീടുകളുടെ വരാന്തകളിൽ ഡ്രോണുകളുടെ അവശിഷ്ടങ്ങൾ പതിച്ച് രണ്ടു പേർക്ക് പരിക്കേറ്റു. ദോഹയിലെ ഇൻഡസ്ട്രിയിൽ ഏരിയയിൽ തീപിടിത്തമുണ്ടായി. ബഹ്റൈനിൽ ഹോട്ടലിന് നേരെ ആക്രമണമുണ്ടായി.