ജമ്മു കാശ്മീരിലെ പുല്‍വാമയില്‍ സൈനികരുടെ ജീവന്‍ കവര്‍ന്ന ഭീകരാക്രമണത്തിന് ഉപയോഗിച്ചത് ആര്‍ഡിഎക്‌സ്. ശക്തിയേറിയ 60 കിലോ ആര്‍ഡിഎക്‌സ് ഉപയോഗിച്ചായിരുന്നു ആക്രമണമെന്ന് സിആര്‍പിഎഫ് വൃത്തങ്ങള്‍ അറിയിച്ചു. പുല്‍വാമയിലെ അവന്തിപോരയില്‍ ജവാന്‍മാര്‍ സഞ്ചരിച്ചിരുന്ന ബസുകള്‍ക്ക് നേര്‍ക്ക് ഭീകരന്‍ 350 കിലോ സ്‌ഫോടക വസ്തുകള്‍ നിറച്ച സ്‌കോര്‍പിയോ ഇടിച്ചു കയറ്റിയെന്നായിന്നു പ്രാഥമിക വിവരം.
എന്നാല്‍ ആക്രമണത്തിന് ഉപയോഗിച്ചത് സ്‌കോര്‍പിയോ അല്ലെന്നും സെഡാന്‍ ആയിരുന്നുവെന്നും അന്വേഷണ സംഘം പറഞ്ഞു. സ്‌ഫോടനത്തിന്റെ ശക്തയില്‍ 80 മീറ്ററോളം അകലെ വരെ ശരീര ഭാഗങ്ങള്‍ ചിന്നിചിതറിയെന്നും അധികൃതര്‍ കൂട്ടിച്ചേര്‍ത്തു.