സ്ട്രോങ് റൂമുകള്ക്ക് മുന്നില് ജാഗ്രതയോടെ നിലകൊള്ളുകയും വോട്ടെണ്ണല് കേന്ദ്രങ്ങളില് ആതീവ ശ്രദ്ധ പുലര്ത്തുകയും വേണം; ആത്മവിശ്വാസം നഷ്ടപ്പെടരുതെന്ന് പ്രവർത്തകരോട് എ.ഐ.സി.സി ജനറല് സെക്രട്ടറി പ്രിയങ്കാഗാന്ധി
ബിജെപി നേതൃത്വം നല്കുന്ന എന്ഡിഎയ്ക്ക് ഭൂരിപക്ഷം ലഭിക്കുമെന്ന എക്സിറ്റ് പോള് ഫലങ്ങള് പുറത്തുവന്ന പശ്ചാത്തലത്തില് ആത്മവിശ്വാസം നഷ്ടപ്പെടരുതെന്ന് കോണ്ഗ്രസ് പ്രവര്ത്തകരോട് എ.ഐ.സി.സി ജനറല് സെക്രട്ടറി പ്രിയങ്കാഗാന്ധി. വോട്ടിങ് യന്ത്രങ്ങള് സൂക്ഷിച്ചിട്ടുള്ള സ്ട്രോങ് റൂമുകള് ജാഗ്രതയോടെ നിരീക്ഷിക്കണമെന്ന് അവര് നിര്ദ്ദേശം നല്കി.
എക്സിറ്റ് പോള് ഫലങ്ങള് പുറത്തുവന്നതിന് പിന്നാലെ പ്രചരിക്കുന്ന അഭ്യൂഹങ്ങളില് ആശങ്കപ്പെടരുത്. കോണ്ഗ്രസ് പ്രവര്ത്തകരുടെ ആത്മവിശ്വാസം തകര്ക്കുന്നതിനുള്ള നീക്കങ്ങളൈാണ് നടക്കുന്നത്. പ്രവര്ത്തകരെല്ലാം ജാഗ്രതയോടെ നിലകൊള്ളേണ്ട സമയമാണിത്. സ്ട്രോങ് റൂമുകള്ക്ക് മുന്നില് ജാഗ്രതയോടെ നിലകൊള്ളുകയും വോട്ടെണ്ണല് കേന്ദ്രങ്ങളില് ആതീവ ശ്രദ്ധ പുലര്ത്തുകയും വേണം. നമ്മുടെ കഠിനാധ്വാനത്തിന് ഫലമുണ്ടാകുമെന്ന് ഉറപ്പുവരുത്തണമെന്നും പ്രിയങ്കാഗാന്ധി നിര്ദ്ദേശിച്ചു.
എന്ഡിഎയ്ക്ക് ഭൂരിപക്ഷം പ്രവചിക്കുന്ന എക്സിറ്റ് പോള് ഫലങ്ങള് പുറത്തുവന്നതിന് പിന്നാലെ വോട്ടിങ് യന്ത്രങ്ങളുടെ വിശ്വാസ്യതയില് പ്രതിപക്ഷ പാര്ട്ടികള് ആശങ്ക രേഖപ്പെടുത്തിയിരുന്നു. വോട്ടിങ് യന്ത്രങ്ങളില് ക്രമക്കേട്ട് നടന്നിട്ടില്ലെന്ന് ഉറപ്പാക്കണമെന്ന് ആവശ്യപ്പെട്ട് 21 പ്രതിപക്ഷ പാര്ട്ടികളുടെ നേതാക്കള് തിരഞ്ഞെടുപ്പ് കമ്മീഷനെ കണ്ടിരുന്നു. എന്നാല്, വോട്ടിങ് യന്ത്രങ്ങള് സുരക്ഷിതമാണെന്ന് തിരഞ്ഞെടുപ്പ് കമ്മീഷന് വ്യക്തമാക്കിയിരുന്നു.
https://www.facebook.com/Malayalivartha