കരിപ്പൂര് വിമാനത്താവളം അടച്ചിടാനുള്ള തീരുമാനം പുനഃപരിശോധിക്കുമെന്ന് ജിജി തോംസണ്, അടുത്താഴ്ച്ച ഉന്നതലയോഗം ചേരുമെന്നും ചീഫ് സെക്രട്ടറി
കരിപ്പൂര് വിമാനത്താവളത്തിലെ റണ്വേ അടച്ചിടാനുള്ള തീരുമാനം പുനഃപരിശോധിക്കുമെന്ന് ചീഫ് സെക്രട്ടറി ജിജി തോംസണ് പറഞ്ഞു. ഇതുമായി ബന്ധപ്പെട്ട് ചര്ച്ച ചെയ്യാന് അടുത്തയാഴ്ച്ച ഉന്നതതലയോഗം ചേരുമെന്നും അദ്ദേഹം അറിയിച്ചു. റണ്വേയുടെ പുനര്നിര്മാണത്തിനായി വിമാനത്താവളം ഭാഗികമായി അടച്ചിടാന് നേരത്തെ തീരുമാനിച്ചിരുന്നു. സെന്ട്രല് റോഡ് റിസര്ച്ച് ഇന്സ്റ്റിറ്റിയൂട്ട് നടത്തിയ പഠനത്തില് വലിയ വിമാനങ്ങള് ഇറങ്ങാനുള്ള ശേഷി റണ്വേക്കില്ലെന്ന് കണ്ടെത്തിയിരുന്നു.
ഇതേത്തുടര്ന്നാണ് പുനര്നിര്മാണത്തിനായി വിമാനത്താവളം അടച്ചിടാന് തീരുമാനിച്ചത്. കഴിഞ്ഞ രണ്ടു വര്ഷത്തിനിടെ 54 വിള്ളലുകളാണ് റണ്വേയില് കണ്ടെത്തിയിരുന്നത്. മേയ് ഒന്നുമുതല് ഒരു വര്ഷത്തേക്കാണ് വിമാനത്താവളത്തിന്റെ പ്രവര്ത്തനം പരിമിതപ്പെടുത്തുക.
ഉച്ചക്ക് 12 മണി മുതല് രാത്രി 8 വരെ വിമാനത്താവളം അടച്ചിടും. ഈ സമയത്ത് അറ്റകുറ്റപ്പണികള് നടത്തും. ആറുമാസങ്ങള്ക്കു ശേഷം മാത്രമേ വലിയ വിമാനങ്ങള് ഇറങ്ങാന് അനുവദിക്കുകയുള്ളൂ. പ്രവര്ത്തന സമയം 16 മണിക്കൂറായി ക്രമീകരിക്കും. ഇതുമൂലം വിമാന സര്വീസുകളുടെ എണ്ണത്തിലും കുറവുണ്ടാകും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
