ഡല്‍ഹിയിലും സമീപ പ്രദേശങ്ങളിലും ശക്തമായ ഭൂചലനം അനുഭവപ്പെട്ടു. ഉത്തരേന്ത്യയിലെ റാഞ്ചി, ജയ്പൂര്‍, ഗുവാഹത്തി, പട്‌ന തുടങ്ങി വിവിധയിടങ്ങളിലും ഭൂചലനം അനുഭവപ്പെട്ടു. നേപ്പാളാണ് പ്രഭവകേന്ദ്രമെന്നാണ് പ്രാഥമിക വിവരം. റിക്ടര്‍ സ്‌കെയിലില്‍ 7.5 രേഖപ്പെടുത്തിയ ഭൂചലനം ഒരു മിനിറ്റോളം നീണ്ടുനിന്നു. ഇന്ത്യയില്‍ നാശനഷ്ടങ്ങള്‍ രേഖപ്പെടുത്തിയില്ല. ഡല്‍ഹി മെട്രോ റയില്‍ സര്‍വീസ് താല്‍ക്കാലികമായി നിര്‍ത്തിവച്ചു. ഭൂമിയില്‍ നിന്നു 35 കിലോമീറ്റര്‍ താഴെയാണ് പ്രഭവകേന്ദ്രമാണെന്നും റിപ്പോര്‍ട്ടുകള്‍ പറയുന്നു.
അതേസമയം, നേപ്പാളിലെ കഠ്മണ്ഡുവില്‍ നാശനഷ്ടങ്ങളുണ്ടായെന്നാണ് വിവരങ്ങള്‍. ഇവിടെ ഒട്ടേറെ കെട്ടിടങ്ങള്‍ തകര്‍ന്നതായും റോഡുകള്‍ നശിച്ചതായും റിപ്പോര്‍ട്ടുണ്ട്. മൊബൈല്‍ ഫോണ്‍ നെറ്റ്úവര്‍ക്കുകള്‍ തകരാറിലായതിനാല്‍ കൂടുതല്‍ വിവരങ്ങള്‍ അറിവായിട്ടില്ല. രാവിലെ 11.41നായിരുന്നു റിക്ടര്‍ സ്‌കെയിലില്‍ 7.5 രേഖപ്പെടുത്തിയ ഭൂചലനം. കഠ്മണ്ഡുവിന് 77 കിലോമീറ്റര്‍ അകലെയാണ് പ്രഭവകേന്ദ്രം. നേപ്പാളിനോടു ചേര്‍ന്നു കിടക്കുന്ന ഇന്ത്യന്‍ സംസ്ഥാനങ്ങളിലാണ് ഭൂചലനം ശക്തമായി അനുഭവപ്പെട്ടത്.
ഉത്തരേന്ത്യയില്‍ ഭൂചലനമുണ്ടായെന്ന വാര്‍ത്ത വന്നതിന് പിന്നാലെ കേരളത്തില്‍ കൊച്ചിയിലും ഭൂചലനമുണ്ടായതായി പ്രചരണം. കൊച്ചി നഗരത്തില്‍ കലൂര്‍, ഇടപ്പള്ളി, എളമക്കര, പനമ്പിള്ളി നഗര്‍, എറണാകുളം നോര്‍ത്ത് എന്നിവിടങ്ങളില്‍ നേരിയ തോതില്‍ ഭൂചലനം അനുഭവപ്പെട്ടതായാണ് പറയുന്നത്. എന്നാല്‍ കേരളത്തില്‍ ഭൂചലനം അനുഭവപ്പെട്ടതായി റിപ്പോര്‍ട്ടില്ലെന്ന് ഭൗമശാസ്ത്ര പഠനകേന്ദ്രം അറിയിച്ചു. നേപ്പാളില്‍ ഉണ്ടായ ഭൂചലനത്തിന്റെ പ്രകമ്പനം മാത്രമാണ് കൊച്ചിയില്‍ ഉണ്ടായതെന്നും വിദഗ്ധര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha