അടുത്ത വീട്ടിലെ ദുരന്തമറിഞ്ഞ് മറ്റൊന്നും നോക്കാതെ ആദ്യം ഓടിയെത്തുന്ന നല്ല അയല്‍ക്കാരനായി നരേന്ദ്ര മോഡി. ദുന്ത വാര്‍ത്ത അറിഞ്ഞ ഉടന്‍ തന്നെ വേണ്ട എല്ലാ സഹായങ്ങളും നല്‍കാന്‍ പ്രധാനമന്ത്രി മോഡി നിര്‍ദ്ദേശിച്ചു.
നേപ്പാളിന്റെ ദു:ഖം ഇന്ത്യയുടെ വേദനയായി ഏറ്റെടുത്തു. ഹൃദയം തൊടുന്ന വികാരത്തോടെ നേപ്പാളികളുടെ വേദന ഏറ്റെടുത്തു. നേപ്പാളില്‍ ഇന്ത്യ നടത്തുന്ന ഓപ്പറേഷന്‍ മൈത്രി വെറുമൊരു രക്ഷാപ്രവര്‍ത്തനത്തിനുമപ്പുറം വീട്ടുകാര്യം പോലെ വികാരപരമാകുന്നതും ഇതേ സൗഹൃദം കൊണ്ടു തന്നെ. 
ദുരന്തബാധിത പ്രദേശത്തുനിന്ന് ഇന്ത്യക്കാരെ ഒഴിപ്പിക്കാനടക്കം 24 വിമാനങ്ങളും ഹെലികോപ്റ്ററുകളും അയച്ച ഇന്ത്യ, നേപ്പാളിലെ രക്ഷാപ്രവര്‍ത്തനത്തില്‍ സജീവമായി പങ്കെടുക്കുന്നു. ചടുലതയോടെ, കാലതാമസമൊട്ടുമില്ലാതെ, അവസരത്തിനൊത്തുയര്‍ന്നുള്ള ഇന്ത്യയുടെ കൈത്താങ്ങ് നേപ്പാളിനു നല്‍കുന്ന ആശ്വാസം ചില്ലറയല്ല. ഇന്ത്യയുടെ വലിയ സഹായത്തിന് നേപ്പാള്‍ സ്ഥാനപതി ദീപ്കുമാര്‍ ഉപധ്യായയുടെ ഹൃദയം നിറഞ്ഞ നന്ദിയും അതുകൊണ്ടാണ്. 
അയല്‍പക്കത്തെവിടെ ദുരന്തമുണ്ടായാലും ആദ്യം തന്നെ അവിടെയെത്തി സഹായമെത്തിക്കാനാണ് എല്ലായ്‌പ്പോഴും ഇന്ത്യയുടെ ശ്രമമെന്ന് പ്രതിരോധമന്ത്രി മനോഹര്‍ പരീക്കര്‍ പറഞ്ഞു. പത്തു ടണ്‍ കമ്പിളി, 50 ടണ്‍ ശുദ്ധജലം, 22 ടണ്‍ ഭക്ഷണവസ്തുക്കള്‍, രണ്ടു ടണ്‍ മരുന്ന് ഇവയെല്ലാം ഇന്ത്യ നല്‍കിക്കഴിഞ്ഞു. വൈദ്യസംഘങ്ങളും എന്‍ജിനീയറിങ് കര്‍മസേനയും ഇതിനു പുറമെ. കരസേനയും വ്യോമസേനയും കൈകോര്‍ത്താണ് അയല്‍പക്കത്തെ വിപുലമായ ആതുരസഹായം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha