കോവിഡ് വ്യാപനം യുവാക്കളില്‍ കൂടുതലാണെന്നും പക്ഷേ മരണ നിരക്ക് വയോധികരിലാണ് കൂടുതലെന്നും നേരത്തെ തന്നെ റിപ്പോര്‍ട്ടുകളുണ്ടായിരുന്നു. എന്നാല്‍ ഇതിന്റെ കൃത്യമായി കണക്കാണ് ഇപ്പോള്‍ കേന്ദ്ര ആരോഗ്യമന്ത്രാലയം പുറത്ത് വിടുന്നത്. രാജ്യത്തെ കോവിഡ് ബാധിതരില്‍ 54 ശതമാനവും പതിനെട്ടു മുതല്‍ നാല്‍പ്പത്തിനാലു വരെയുള്ള പ്രായപരിധിയില്‍ പെട്ടവരെന്ന് കേന്ദ്ര ആരോഗ്യ മന്ത്രാലയത്തിന്റെ കണക്കുകളില്‍ പറയുന്നു. കോവിഡ് പിടിപെട്ടു മരിക്കുന്നവരില്‍ 51 ശതമാവും അറുപതു വയസിനു മുകളിലുള്ളവരാണെന്നും മന്ത്രാലയം പുറത്തുവിട്ട കണക്കുകള്‍ വ്യക്തമാക്കുന്നു. വൈറസ് ബാധയെത്തുടര്‍ന്നു മരണത്തിനു കീഴടങ്ങുന്നവരില്‍ 36 ശതമാനവും 45-60 പ്രായപരിധിയിലുള്ളവരാണ്. പതിനൊന്നു ശതമാനം പേര്‍ 2644 പ്രായത്തിലുള്ളവരും ഒരു ശതമാനം 1825 പ്രായപരിധിയിലുള്ളവരുമാണെന്ന് ആരോഗ്യമന്ത്രാലയം പറയുന്നു.

പുരുഷന്മാരാണ് രാജ്യത്ത് കൂടുതല്‍ കോവിഡിനു കീഴടങ്ങുന്നത് 69 ശതമാനമാണ് മരിക്കുന്നവരില്‍ പുരുഷന്മാര്‍. കോവിഡ് ബാധിക്കുന്നവരില്‍ 54 ശതമാനവും 1844 പ്രായപരിധിയില്‍ ഉള്ളവരാണ്. 26 ശതമാനം 4566 പ്രായത്തിലും എട്ടു ശതമാനം 17നു വയസിനു താഴെയുള്ളവരും ആണ്. പന്ത്രണ്ടു ശതമാനം മാത്രമാണ് അറുപതു വയസിനും മുകളിലുള്ളവരും. കഴിഞ്ഞ ഇരുപത്തിനാലു മണിക്കൂറിനിടെ രാജ്യത്ത് കോവിഡ് സ്ഥിരീകരിച്ചത് 78,357 പേര്‍ക്ക്. 1045 പേര്‍ ഈ സമയത്തിനിടെ വൈറസ് ബാധ മൂലം മരിച്ചു.

അതിനിടെ രാജ്യത്തെ കോവിഡ് മരണ നിരക്ക് കുതിച്ചുയരുന്നതായും ആരോഗ്യമന്ത്രാലയം അറിയിച്ചു. പത്തു ലക്ഷം പേരില്‍ കോവിഡ് ബാധിച്ചു മരിക്കുന്നവരുടെ നിരക്ക് (ഡെത്ത് പെര്‍ മില്യണ്‍) ഒരു മാസത്തിനിടെ ഇരട്ടിയായതായാണ് മന്ത്രാലയം പുറത്തുവിട്ട കണക്കുകള്‍ വ്യക്തമാക്കുന്നത്. ജൂലൈ മുപ്പതു വരെയുള്ള കണക്ക് അനുസരിച്ച് പത്തു ലക്ഷത്തിന് 20.4 ആയിരുന്നു രാജ്യത്ത് കോവിഡ് ബാധിച്ചു മരിക്കുന്നവരുടെ നിരക്ക്. 35,790 പേരാണ് ജൂലൈ അവസാനം വരെ വൈറസ് ബാധയേറ്റു മരിച്ചത്. ഓഗസ്റ്റ് മുപ്പതിന് അത് 64,369 ആഇ. പത്തു ലക്ഷത്തിന് 48 എന്ന നിലയിലേക്കാണ് നിരക്കു കുതിച്ചുയര്‍ന്നത്.

എട്ടു സംസ്ഥാനങ്ങളാണ് മരണ നിരക്കില്‍ ദേശീയ ശരാശരിയേക്കാള്‍ മുകളിലുള്ളത്. ഡല്‍ഹിയില്‍ പത്തു ലക്ഷത്തില്‍ 220 പേരാണ് കോവിഡ് ബാധിച്ചു മരിക്കുന്നത്. മഹാരാഷ്ട്രയില്‍ അത് 198 പേരാണ്. അതേസമയം ആകെ വൈറസ് ബാധിതരില്‍ മരണത്തിനു കീഴടങ്ങുന്നവരുടെ എണ്ണം രാജ്യത്ത് കുറവാണ്. ലോകത്തെ തന്നെ ഏറ്റവും കുറഞ്ഞ മരണ നിരക്കുകളില്‍ ഒന്നായ 1.8 ആണ് രാജ്യത്ത് രേഖപ്പെടുത്തിയിട്ടുള്ളത്.

ഇന്നലത്തെ വര്‍ധനയോടെ രാജ്യത്ത് ഇതുവരെ കോവിഡ് സ്ഥിരീകരിച്ചവരുടെ എണ്ണം 37,69,524 ആയി. ഇതില്‍ 8,01,282 പേരാണ് ചികിത്സയിലുള്ളത്. 29,019,09 പേര്‍ രോഗമുക്തി നേടി. 66,333 പേരാണ് ഇതുവരെ വൈറസ് ബാധ മൂലം മരിച്ചത്. ഇന്നലെ മാത്രം 10,12,367 പേരിലാണ് കോവിഡ് പരിശോധന നടത്തിയത്. ഇതുവരെ നടത്തിയ പരിശോധനകളുടെ എണ്ണം 4,43,37,201 ആയതായി ഐസിഎംആര്‍ അറിയിച്ചു.