ബംഗാളിലെ നാദിയ ജില്ലയിലെ മലയാളിയായ കലക്ടര്‍ ബംഗാളിന് അഭിമാനമാണ്. നേരത്തെ കോഴിക്കോട് ജില്ലാ കലക്ടറായിരുന്ന പി ബി സലീമാണ് മനാദിയ ജില്ലയുടെ മുഖച്ഛായ മാറ്റി മമതാ ബാനര്‍ജിയുടെ അഭിമാനമായി മാറിയത്. തുറസ്സായ സ്ഥലങ്ങളില്‍ മലവിസര്‍ജ്ജനമില്ലാത്ത ആദ്യ ജില്ലയെന്ന ബഹുമതി ബംഗാളിലെ നാദിയയ്ക്കു സ്വന്തമാകുമ്പോള്‍ മലയാളികള്‍ക്കും അഭിമാനിക്കാം. ജില്ലയില്‍ സമ്പൂര്‍ണ്ണ ശുചിത്വ യജ്ഞത്തിനു ചുക്കാന്‍ പിടിച്ചതു മലയാളിയായ കലക്ടര്‍ പി.ബി.സലിം.
ശുചിമുറി നിര്‍മാണവും തുറസ്സായ സ്ഥലങ്ങളിലെ മലവിസര്‍ജ്ജനത്തിനെതിരെ ബോധവല്‍ക്കരണവും ബംഗാള്‍ ഏറ്റെടുത്തത് യുനിസെഫിന്റെയും ലോക ബാങ്കിന്റെയും സഹായത്തോടെയാണ്.
നിര്‍മല്‍ബംഗ്ല പദ്ധതിയുടെ ഭാഗമായി 2013 ഒക്‌ടോബര്‍ രണ്ടിനായിരുന്നു നാദിയ ജില്ലയില്‍ സമ്പൂര്‍ണ ശുചിത്വ യജ്ഞത്തിന് തുടക്കമിട്ടതെന്നു കലക്ടര്‍ പി.ബി സലിം പറഞ്ഞു. 52 ലക്ഷം പേരാണു നാദിയയില്‍ താമസിക്കുന്നത്.
ഇവരില്‍ 20 ലക്ഷം പേരും ശുചിമുറികളില്ലാത്ത വീടുകളിലാണു താമസിക്കുന്നത്. എല്ലാ വീടുകളിലും ശുദ്ധജലം എത്തിക്കുന്നതിലും ശിശുമരണനിരക്കു ഗണ്യമായി കുറയ്ക്കലുമാണ് അടുത്ത ലക്ഷ്യം. കേരളത്തില്‍ ആയിരത്തില്‍ ഏഴു കുട്ടികളാണ് ജനിച്ച് ഒരു വര്‍ഷത്തിനകം മരിക്കുന്നതെങ്കില്‍ നാദിയ ജില്ലയില്‍ ഇതു 34 ആണ്. ഈ ഉയര്‍ന്ന നിരക്കിന്റെ പ്രധാന കാരണങ്ങളിലൊന്ന് വൃത്തിഹീനമായ ജീവിത സാഹചര്യങ്ങളാണെന്നും സലിം പറയുന്നു. നാദിയയ്‌ക്കൈാപ്പം ഹൂഗ്‌ളി, ബര്‍ദ്വാന്‍ ജില്ലകളും തുറസ്സില്‍ മലവിസര്‍ജനമെന്ന നാണക്കേടില്‍ നിന്നും മുക്തി നേടിയിട്ടുണ്ട്. നാദിയ പ്രാദേശിക ഭരണകൂടത്തിനു മുഖ്യമന്ത്രി മമത ബാനര്‍ജി നല്‍കിയ സമ്മാനവും കൗതുകമുള്ളതായി മമതയുടെ തന്നെ ഒരു പെയിന്റിങ് .

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha