രാജ്യത്തിനായി ജീവന്‍ സമര്‍പ്പിച്ച ധീര ജവാന് രാജ്യത്തിന്റെ നറുപുഷ്പങ്ങള്‍. കായംകുളം കപ്പകശേരില്‍ റിട്ട. മേജര്‍ സുകുമാരന്‍ നായരുടെ മകന്‍ സജീവന്‍ (38) ആണ് കുഴിബോംബ് ആക്രമണത്തില്‍ കൊല്ലപ്പെട്ടത്.
ഇന്നലെ നാഗലാന്‍ഡില്‍ ഒളിപ്പോരാളികളുമായുണ്ടായ ഏറ്റുമുട്ടലില്‍ റിട്ടയേഡ് പട്ടാളക്കാരന്റെ മകനാണു രാജ്യത്തിനുവേണ്ടി വീരമൃത്യു വരിച്ചത്. കഴിഞ്ഞ 18 കൊല്ലമായി ആസാം റൈഫിള്‍സില്‍ െ്രെഡവറായി ജോലി നോക്കുന്ന സജീവന്‍ കഴിഞ്ഞ മാസം നാട്ടിലെത്തിയിരുന്നു. ക്ഷേത്രത്തിലെ ഉല്‍സവത്തിനുശേഷം ഇക്കഴിഞ്ഞ 21 നാണ് മടങ്ങിയത്. ഇരുപതോളം സേനാംഗങ്ങളും കുടിവെള്ളവുമായി ക്യാമ്പിലേക്ക് പുറപ്പെട്ട രണ്ടു ട്രക്കുകള്‍ക്കു നേരെയായിരുന്നു ആക്രമണം.
കുഴിബോംബ് വിതച്ച് ട്രക്ക് തകര്‍ത്ത ശേഷം വെടിവയ്ക്കുകയായിരുന്നു. ഇതില്‍ എട്ടു സൈനികര്‍ കൊല്ലപ്പെട്ടിരുന്നു. ഇതില്‍ വാഹനമോട്ടിച്ചിരുന്ന സജീവനും ജീവന്‍ ബലിനല്‍കേണ്ടിവന്നു. നാഗലാന്‍ഡിലെ മോന്‍ ജില്ലയിലെ ഷാങ്‌ലാങ് മേഖലയിലാണ് ഇന്നലെ പോരാട്ടം നടന്നത്. ഇവിടെ കഴിഞ്ഞ കുറെ നാളുകളായി സേനയും ഒളിപ്പോരാളികളുമായുള്ള പോരാട്ടം കനത്തിരുന്നു.
കനത്ത ജാഗ്രതയിലായിരുന്ന പ്രദേശത്തേക്ക് കുടിവെള്ളവുമായി പോയ സേനയ്ക്കുനേരെ പതിയിരുന്നുള്ള ആക്രമണമാണ് തീവ്രവാദികള്‍ നടത്തിയത്. റിട്ട. മേജര്‍ സുകുമാരന്‍ നായരുടെ മൂന്നുമക്കളില്‍ മൂത്തയാളാണ് സജീവന്‍. അച്ഛന്റെ പട്ടാള ജോലിയില്‍ കമ്പം മൂത്ത സജീവന്‍ സേനയില്‍ ചേരുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha