മാവോയിസ്റ്റ് നേതാവ് രൂപേഷും സംഘവും കോയമ്പത്തൂരില്‍ പിടിയിലായി. രൂപേഷും ഭാര്യ ഷൈനയുമടങ്ങുന്ന അഞ്ചംഗ സംഘമാണ് പിടിയിലായത്. മലയാളിയായ അനൂപ്, കണ്ണന്‍, കര്‍ണാടക സ്വദേശി വീരമണി എന്നിവരുള്‍പ്പെടെ അഞ്ചു പേരാണ് ആന്ധ്രാ പൊലീസിന്റെ പിടിയിലായത്. ആന്ധ്രയിലുള്ള കേസുമായി ബന്ധപ്പെട്ടാണ് പൊലീസ് രൂപേഷിനെ അറസ്റ്റ് ചെയ്തിരിക്കുന്നത്. എന്നാല്‍ എങ്ങനെയാണ് ഇവരെ പിടികൂടിയത് എന്ന കാര്യം വ്യക്തമല്ല. അറസ്റ്റ് കേരള ഡിജിപി കെ.ജി.ബാലസുബ്രഹ്മണ്യം സ്ഥിരീകരിച്ചു. നാളെ ഇവരെ ചോദ്യം ചെയ്യുന്നതിനായി കേരളത്തിലെത്തിക്കുമെന്നാണ് സൂചന. 
തൃശൂര്‍ തൃപ്രയാര്‍ സ്വദേശിയാണ് രൂപേഷ്, ഭാര്യ ഷൈന വലപ്പാട് സ്വദേശിനിയും. ഇവരുടെ നേതൃത്വത്തിലാണ് കേരളത്തില്‍ സിപിഐ (മാവോയിസ്റ്റ്) പ്രവര്‍ത്തനം. അടുത്തിടെ ഷൈനയെ നേതാവാക്കി \'ഭവാനി ദളം\' എന്ന വനിതാവിഭാഗത്തിനും രൂപം നല്‍കിയിരുന്നു. കബനി ദളം, നാടുകാണി ദളം, ഭവാനിദളം എന്നിങ്ങനെ മൂന്നു ദളങ്ങളാണ് കേരളത്തില്‍. അടുത്തിടെ കേരളത്തിന്റെ വിവിധ ഭാഗങ്ങളില്‍ നടന്ന മാവോയിസ്റ്റ് ആക്രമണത്തിന് പിന്നില്‍ രൂപേഷും സംഘവുമാണെന്നാണ് വിവരം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha