രക്ഷാപ്രവര്‍ത്തനം നിര്‍ത്തി പിന്‍വലിയാന്‍ ഇന്ത്യയടക്കമുള്ള രാജ്യങ്ങളോട് നേപ്പാള്‍ സര്‍ക്കാര്‍ ആവശ്യപ്പെട്ടു. 34 രാജ്യങ്ങളാണ് നേപ്പാളില്‍ രക്ഷാപ്രവര്‍ത്തനത്തില്‍ ഏര്‍പ്പെട്ടിരിക്കുന്നത്. രക്ഷാപ്രവര്‍ത്തക സംഘങ്ങളെ പിന്‍വലിക്കണമെന്നാണ് സര്‍ക്കാര്‍ നിര്‍ദേശം. ഇതിന്റെ അടിസ്ഥാനത്തില്‍ ജപ്പാന്‍, തുര്‍ക്കി, യുക്രെയ്ന്‍, യുകെ, നെതര്‍ലന്‍ഡ്‌സ് തുടങ്ങിയവര്‍ തിരിച്ചുപോകാന്‍ ആരംഭിച്ചു.ദുരിതാശ്വാസ പ്രവര്‍ത്തനങ്ങള്‍ ആരംഭിക്കുന്നതിനാണ് രക്ഷാപ്രവര്‍ത്തനം അവസാനിപ്പിക്കുന്നതെന്നാണ് നേപ്പാള്‍ സര്‍ക്കാരിന്റെ വിശദീകരണം. ഈ തീരുമാനത്തോട് ഇന്ത്യയ്ക്ക് എതിര്‍പ്പാണെന്നു വാര്‍ത്തകളുണ്ടായിരുന്നു. എന്നാല്‍ ഇരുസര്‍ക്കാരുകളും ഇത് നിഷേധിച്ചു. നേപ്പാളിന് ഇന്ത്യയോട് ഒരു ദേഷ്യവുമില്ല. തങ്ങളുടെ തീരുമാനത്തെ പോസിറ്റീവായി എടുക്കണം നേപ്പാള്‍ നയതന്ത്രപ്രതിനിധി ദീപ് ഉപധ്യായ പറഞ്ഞു.
തകര്‍ന്ന കെട്ടിടങ്ങളുടെ അവശിഷ്ടങ്ങള്‍ നീക്കം ചെയ്യുന്നതിനാണ് മുന്‍തൂക്കം. ഇതിന് അവര്‍ ഇന്ത്യയുടെ സഹായം തേടിയിട്ടുണ്ട്. ഇന്ത്യന്‍ സൈന്യം ഇതിനു ശ്രമിക്കുകയാണെന്നും ഇന്ത്യന്‍ വിദേശകാര്യ മന്ത്രാലയം വ്യക്തമാക്കി. അന്‍പത് അംഗങ്ങള്‍ വീതമുള്ള 16 സംഘമാണ് നേപ്പാളില്‍ രക്ഷാപ്രവര്‍ത്തനത്തില്‍ ഏര്‍പ്പെട്ടിരിക്കുന്നത്. ഭൂകമ്പത്തില്‍ നിരവധി കെട്ടിടങ്ങള്‍ തകര്‍ന്നു. വാര്‍ത്ത വിനിമയ സംവിധാനങ്ങളും റോഡുകളും പാലങ്ങളുമുള്‍പ്പടെയുള്ളവ ഭാഗികമായി തകര്‍ന്നിട്ടുണ്ട്. 7.9 തീവ്രത രേഖപ്പെടുത്തിയ ഭൂകമ്പത്തില്‍ മരിച്ചവരുടെ എണ്ണം 7,300 ആയി ഉയര്‍ന്നിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha