കേന്ദ്ര സര്‍ക്കാരിന്റെ എല്ലാ വകുപ്പിലെ മന്ത്രിമാരും അവരുടെതായ ചില അഭിപ്രായങ്ങളും വിവാദങ്ങള്‍ സൃഷ്ടിക്കുന്ന പ്രസ്താവനകള്‍ പറയുന്നതും ഇപ്പോള്‍ പതിവാണല്ലോ.യാതൊന്നും ചിന്തിക്കാതെയായിരിക്കും പ്രസ്താവനകള്‍ പറയുക. ചിലപ്പോള്‍ അത് വലിയ വിവാദങ്ങള്‍ വരെയുണ്ടാക്കും. ഇന്ത്യയുടെ മുന്‍ പ്രധാനമന്ത്രി മൊറാര്‍ജി ദേശായി മൂത്രം കുടിക്കുന്നതിന്റെ ഗുണഗണങ്ങളെ കുറിച്ച് വിവരിച്ചിട്ടുണ്ട്. എന്നാല്‍, മനുഷ്യവിസര്‍ജ്യത്തിന്റെ മേന്‍മകളുമായി ഇതാ മറ്റൊരു മന്ത്രി കൂടി രംഗത്തെത്തിയിരിക്കുകയാണ്. വെള്ളത്തിനു പകരം മൂത്രം ഒഴിച്ചാല്‍, ഉദ്യാനത്തിലെ പുഷ്പ്പലതാതികള്‍ തഴച്ചുവളരുമെന്നാണ് കേന്ദ്ര ഗതാഗത മന്ത്രി നിതിന്‍ ഗഡ്ഗരി അഭിപ്രായപ്പെടുന്നത്. സ്വയം പരീക്ഷിച്ച് ഉറപ്പുവരുത്തിയതിനു ശേഷമാണ് മന്ത്രിയുടെ ഇത്തരത്തിലൊരു അഭിപ്രായം.
മഹാരാഷ്ട്രയില്‍ നടന്ന ഒരു പൊതുപരിപാടിയില്‍ സംസാരിക്കുകയായിരുന്നു അദ്ദേഹം. സ്വന്തം മൂത്രം 50 ലിറ്റര്‍ ക്യാനില്‍ ശേഖരിക്കാറുണ്ടെന്ന് ഗഡ്ഗരി പറഞ്ഞു. ഡല്‍ഹിയിലെ എന്റെ വസതിയിലുള്ള ചില ചെടികളിലും മരങ്ങളിലും ഉദ്യാനപാലകര്‍ ഇത് ഒഴിക്കാറുണ്ട്. വെള്ളം ഒഴിച്ച സസ്യങ്ങളുടെയും മൂത്രം ഒഴിച്ച സസ്യങ്ങളുടെയും വളര്‍ച്ചയ്ക്ക് വലിയ വ്യത്യാസമാണുള്ളത്. മറ്റു ചെടികളിലും ഒന്നര ഇരട്ടിവലിപ്പത്തിലാണ് ഇവ വളരുന്നതെന്നും അദ്ദേഹം കൂട്ടിച്ചേര്‍ത്തു.
മന്ത്രിയുടെ ഡല്‍ഹി വസതിയില്‍ ഒരു ഏക്കറോളം സ്ഥലത്ത് വിവിധ കൃഷികള്‍ നടക്കുന്നുണ്ട്. പറമ്പിലെ ഓറഞ്ച് മരത്തിലാണ് മൂത്രത്തിന്റെ മേന്‍മ എടുത്തറിയാന്‍ സാധിക്കുന്നതെന്നും അദ്ദേഹം പറയുന്നുണ്ട്. മൂത്രത്തിലെ യൂറിയയും നൈട്രജനുമാണ് ചെടികളുടെ വളര്‍ച്ചയ്ക്കു സഹായകമാകുന്നതെന്നും അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha