100 ലക്ഷം കോടി രൂപ അടിസ്ഥാന സൗകര്യ വികസനത്തിനായി കേന്ദ്രം മാറ്റിവെച്ചിരിക്കുന്നത്.ഇതില്‍ 25 ലക്ഷം കോടി രാജ്യത്തെ റോഡുകളുടെ വികസനത്തിനായി മാത്രം നീക്കി വെച്ചിരിക്കുകയാണ്. 35,000 കോടിയുടെ അമൃത്സര്‍ അജ്മീര്‍ എക്‌സ്പ്രസ് ഹൈവേ ഉള്‍പ്പെടെ 65,000 കോടി രൂപയുടെ രണ്ടു വലിയ ഹൈവേ പ്രൊജക്ടുകള്‍ നടപ്പിലാക്കാനും കേന്ദ്ര സര്‍ക്കാര്‍ പദ്ധതിയിടുന്നുണ്ട്. ഡല്‍ഹി മുംബൈ ഇടനാഴി പദ്ധതിയ്ക്കായി സ്‌പെഷ്യല്‍ പര്‍പ്പസ് വെഹിക്കിള്‍ സ്ഥാപിക്കുന്ന ഒരു ലക്ഷം കോടി രൂപയുടെ പദ്ധതിയും കേന്ദ്രം നടപ്പിലാക്കും. സമ്ബദ് വ്യവസ്ഥയുടെ മാന്ദ്യം മൂലം സാമ്ബത്തിക പ്രതിസന്ധി നേരിടുന്ന റോഡ് നിര്‍മ്മാണ മേഖലയിലുള്ളവരെ സഹായിക്കാനായും സര്‍ക്കാര്‍ നിരവധി പദ്ധതികള്‍ തയ്യാറാക്കിയിട്ടുണ്ട്. ഇവര്‍ക്ക് സാമ്ബത്തിക സഹായം നല്‍കുന്ന പദ്ധതികളാണ് ആവിഷ്‌കരിച്ചിരിക്കുന്നത്.

അതിര്‍ത്തിയിലെ റോഡ് നിര്‍മ്മാണവും ദേശീയ പാതകളുടെ വികസനങ്ങളും ഉള്‍പ്പെടെയുള്ള നിരവധി വികസന പ്രവര്‍ത്തനങ്ങള്‍ സര്‍ക്കാര്‍ രാജ്യത്ത് നടപ്പിലാക്കിയിട്ടുണ്ട്. ഇതിന്റെ ഭാഗമായി ഇന്ത്യയുടെ വടക്ക് കിഴക്കന്‍ സംസ്ഥാനമായ നാഗാലാന്റില്‍ 15 ദേശീയ പാതകളുടെ ഉദ്ഘാടനം നിതിന്‍ ഗഡ്കരി ഇന്ന് നിര്‍വ്വഹിച്ചു. 4,127 കോടി രൂപയുടേതാണ് പദ്ധതി.