മുന് ഇന്റലിജന്സ് മേധാവിയും ലക്ഷദ്വീപ് അഡ്മിനിസ്ട്രേറ്ററുമായ ദിനേശ്വര് ശര്മ അന്തരിച്ചു
ശ്വാസകോശസംബന്ധമായ അസുഖത്തെ തുടര്ന്ന് ലക്ഷദ്വീപ് അഡ്മിനിസ്ട്രേറ്ററും മുന് ഇന്റലിജന്സ് മേധാവിയുമായ ദിനേശ്വര് ശര്മ (66) അന്തരിച്ചു. കേരള കേഡറിലെ 1976 ബാച്ച് ഐപിഎസ് ഉദ്യോഗസ്ഥനാണ് ബിഹാര് സ്വദേശിയായ ശര്മ.
വിരമിച്ച ശേഷമാണ് കഴിഞ്ഞ വര്ഷം അഡ്മിനിസ്ട്രേറ്ററായി ചുമതലയേറ്റത്. കശ്മീരില് കേന്ദ്ര സര്ക്കാരിന്റെ പ്രത്യേക പ്രതിനിധിയെന്ന നിലയില് വിവിധ വിഭാഗങ്ങള്ക്കിടയില് മധ്യസ്ഥനായി പ്രവര്ത്തിച്ചു. പാര്ലമെന്റ് ആക്രമണക്കേസ് പ്രതിയായിരുന്ന അഫ്സല് ഗുരുവിന്റെ മകന് പത്താം ക്ലാസ് പരീക്ഷയില് മികച്ച മാര്ക്ക് വാങ്ങിയപ്പോള് പാസ്പോര്ട്ട് ലഭ്യമാക്കാന് ശര്മ നടത്തിയ ശ്രമങ്ങള് വാര്ത്തയായിരുന്നു.
നിര്ണായകമായ ഭീകരവിരുദ്ധപ്പോരാട്ടങ്ങള്ക്ക് നേതൃത്വം നല്കുകയും പൊലീസ് സുരക്ഷാസേന നവീകരണത്തില് മികച്ച പങ്കുവഹിക്കുകയും ചെയ്ത ഉദ്യോഗസ്ഥനായിരുന്നു ശര്മയെന്ന് പ്രധാനമന്ത്രി നരേന്ദ്ര മോദി അനുസ്മരിച്ചു.
https://www.facebook.com/Malayalivartha
