നുഴഞ്ഞുകയറിയ പാക്ക് ഭീകരരെ വധിച്ച സംഭവം: വിശദമായ അന്വേഷണം അനിവാര്യമാണെന്ന് വിലയിരുത്തി അന്വേഷണം എന്ഐഎ-യെ ഏല്പ്പിച്ചു
ജമ്മുവിലെ നഗ്രോതയില് നുഴഞ്ഞുകയറിയ 4 പാക്ക് ഭീകരരെ സുരക്ഷാ സേന വധിച്ചതില്, വിശദമായ അന്വേഷണം അനിവാര്യമാണെന്നു വിലയിരുത്തി അതുസംബന്ധിച്ച അന്വേഷണം കേന്ദ്ര സര്ക്കാര് ദേശീയ അന്വേഷണ ഏജന്സിയെ (എന്ഐഎ) ഏല്പിച്ചു. അന്വേഷണ രേഖകള് പൊലീസില് നിന്ന് എന്ഐഎ ഏറ്റെടുത്തു. അതിര്ത്തി കടക്കാന് ഭീകരരെ സഹായിച്ചവരെക്കുറിച്ചും അന്വേഷിക്കും.
സാംബ സെക്ടറിലുള്ള തുരങ്കം വഴി കഴിഞ്ഞ 19-ന് പുലര്ച്ചെ അതിര്ത്തി കടന്ന 4 ജയ്ഷെ മുഹമ്മദ് ഭീകരരെ നഗ്രോതയിലെ നര്വാല് ബൈപാസിലുള്ള ടോള് പ്ലാസയിലാണു സേന വധിച്ചത്.
കശ്മീരിലെ ജില്ലാ വികസന കൗണ്സില് തിരഞ്ഞെടുപ്പ് അട്ടിമറിക്കുകയായിരുന്നു ഭീകരരുടെ നീക്കമെന്നാണ് സൂചന. പാക്കിസ്ഥാനിലുള്ള ജയ്ഷെ മുഹമ്മദ് കമാന്ഡര് കാസിം ജാന്റെ നിര്ദേശപ്രകാരമായിരുന്നു ഭീകരരുടെ നീക്കമെന്ന് അവരുടെ മൊബൈല് ഫോണില് നിന്നുള്ള സൂചനകള് വ്യക്തമാക്കുന്നു.
അതിനിടെ, കശ്മീരിലെ ജില്ലാ വികസന കൗണ്സിലിലേക്ക് ഇന്നലെ നടന്ന മൂന്നാം ഘട്ട തിരഞ്ഞെടുപ്പിനിടെ സ്ഥാനാര്ഥിക്കു നേരെ ഭീകരര് വെടിയുതിര്ത്തു. അനന്ത്നാഗ് ജില്ലയിലെ കോക്കര്നാഗ് മേഖലയില് മത്സരിച്ച അപ്നി പാര്ട്ടി സ്ഥാനാര്ഥി അനീസ് ഇസ്ലാം ഗനൈയ്ക്കാണു വെടിയേറ്റത്. പരുക്ക് ഗുരുതരമല്ല. മൂന്നാം ഘട്ട തിരഞ്ഞെടുപ്പില് 43% പോളിങ് രേഖപ്പെടുത്തി.
https://www.facebook.com/Malayalivartha
