പ്രധാനമന്ത്രി നരേന്ദ്ര മോദി ആഭ്യന്തരമന്ത്രി അമിത്ഷായുമായി ചര്‍ച്ച നടത്തുകയാണ്. പ്രതിരോധമന്ത്രി രാജ്‌നാഥ് സിംഗും യോഗത്തില്‍ പങ്കെടുക്കുന്നുണ്ട്. പ്രധാനമന്ത്രിയുടെ വസതിയിലാണ് യോഗം നടക്കുന്നത്. യോഗത്തില്‍ നിര്‍ണായക തീരുമാനങ്ങള്‍ ഉണ്ടാകുമോയെന്നാണ് ഏവരും ഉറ്റുനോക്കുന്നത്.

അതേസമയം, കര്‍ഷകര്‍ വിട്ടുവീഴ്ചയ്ക്ക് തയാറാകണമെന്ന് കൃഷിമന്ത്രി നരേന്ദ്ര സിംഗ് തോമര്‍ ആവശ്യപ്പെട്ടു. സമരം പിന്‍വലിക്കുമെന്നാണ് പ്രതീക്ഷ. ചര്‍ച്ച നടത്തിയത് തുറന്ന മനസോടെയെന്നും മന്ത്രി കൂട്ടിച്ചേര്‍ത്തു. ഇതിനിടെ കര്‍ഷക സമരം കൂടുതല്‍ ശക്തമാക്കാനാണ് കര്‍ഷക സംഘടനകളുടെ തീരുമാനം. ഇന്നു രാജ്യവ്യാപകമായി പ്രധാനമന്ത്രി നരേന്ദ്ര മോദിയുടെ കോലം കത്തിക്കാന്‍ സംഘടനകള്‍ ആഹ്വാനം ചെയ്തിട്ടുണ്ട്. എട്ടിന് ഭാരത ബന്ദും പ്രഖ്യാപിച്ചു.

 "