ജനങ്ങളുടെ പ്രിയപ്പെട്ട മാഷ് നാട്ടുകാര്‍ക്ക് പണി കൊടുത്തത് പാലുംവെള്ളത്തില്‍
നാട്ടുകാര്‍ക്ക് പ്രിയങ്കരനായ അധ്യാപകന്‍ ജോലിയില്‍ നിന്നും വിരമിച്ച ശേഷം നാട്ടുകാരെ സേവിച്ച രീതിയറിഞ്ഞ് ഞെട്ടിയിരിക്കുകയാണ് നാട്ടുകാര്‍. മദ്ധ്യപ്രദേശിലെ മൊറീന ജില്ലയില്‍ നാട്ടുകാര്‍ക്ക് പാലില്‍ പണികൊടുത്തുകൊണ്ടിരുന്ന റിട്ടയേര്‍ഡ് കെമിസ്ട്രി അധ്യാപകനെതിരേ പോലീസ് കേസെടുത്തു. പാം ഓയിലും രാസവസ്തുക്കളും ചേര്‍ത്ത് പാല്‍ ഉണ്ടാക്കി വിറ്റ മദ്ധ്യപ്രദേശിലെ ഒരു സര്‍ക്കാര്‍ സ്‌കൂളില്‍ പ്രിന്‍സിപ്പിളായി വിരമിച്ച കെമിസ്ട്രി അദ്ധ്യാപകനായ ദീന്ദയാല്‍ ശര്‍മയാണ് കേസിലെ മുഖ്യപ്രതി.ഇയാള്‍ ഒളിവിലാണ്.
ഖാദിയഹാര്‍ ഗ്രാമത്തിലെ പ്രതിയുടെ വീട്ടില്‍ പൊലീസ്, ഭക്ഷ്യ സുരക്ഷാ വകുപ്പ്, ജില്ലാ ഭരണകൂടം എന്നിവരുടെ സംയുക്ത സംഘം തിരച്ചില്‍ നടത്തിയിരുന്നു. റെയ്ഡില്‍ 200 ലിറ്റര്‍ സിന്തറ്റിക് പാല്‍, പാം ഓയില്‍, രാസവസ്തുക്കള്‍ എന്നിവ അധികൃതര്‍ പിടിച്ചെടുത്തു.
ഭക്ഷണത്തിലോ പാനീയത്തിനോ മായം ചേര്‍ക്കല്‍, വിഷം കലര്‍ന്ന ഭക്ഷണപാനീയങ്ങളുടെ വില്‍പ്പന ഉള്‍പ്പടെയുള്ള വകുപ്പുകള്‍ പ്രതിയ്‌ക്കെതിരെ ചുമത്തിയിട്ടുണ്ടെന്ന് പൊലീസ് അറിയിച്ചു. അറുപത്തഞ്ചുകാരനായ ദീന്ദയാല്‍ പ്രതിദിനം 250300 ലിറ്റര്‍ പാല്‍ വിറ്റിരുന്നുവെന്ന് അന്വേഷണസംഘം പറഞ്ഞു.പിടിച്ചെടുത്ത സാധനങ്ങള്‍ ലബോറട്ടറിയില്‍ പരിശോധനയ്ക്ക് അയച്ചിട്ടുണ്ടെന്നും, പ്രതിയെ ഉടന്‍ അറസ്റ്റ് ചെയ്യുമെന്നും സിന്‍ഡോണിയ പൊലീസ് സ്‌റ്റേഷന്‍ ചുമതലയുള്ള രാജ്കുമാര്‍ സിംഗ് പറഞ്ഞു.
'ശര്‍ദിയഹാറിലെ ഹയര്‍ സെക്കന്‍ഡറി സ്‌കൂളില്‍ വര്‍ഷങ്ങള്‍ക്ക് മുമ്ബ് അദ്ദേഹം ജോലിയില്‍ പ്രവേശിക്കുമ്‌ബോള്‍ അവിടത്തെ വിജയശതമാനം വെറും 17% മാത്രമായിരുന്നു. പക്ഷേ കഠിനപരിശ്രമത്തിലൂടെ ചുരുങ്ങിയ വര്‍ഷങ്ങള്‍ കൊണ്ട് വിദ്യാഭ്യാസ നിലവാരം അദ്ദേഹം എഴുപത് ശതമാനത്തിലേക്ക് എത്തിച്ചു. ജനങ്ങളുടെ മുന്നില്‍ തികച്ചും മാതൃകാപരമായ ജീവിതമായിരുന്നു മാഷ് നയിച്ചിരുന്നത്.അങ്ങനെയൊരാള്‍ ഇത്തരമൊരു പ്രവൃത്തി ചെയ്യുമെന്ന് വിശ്വസിക്കാന്‍ കഴിയുന്നില്ല'സാമൂഹിക പ്രവര്‍ത്തകനും ദീന്ദയാല്‍ ശര്‍മയുടെ മുന്‍ വിദ്യാര്‍ത്ഥിയുമായ ജയന്ത് തോമര്‍ പറഞ്ഞു.
https://www.facebook.com/Malayalivartha
