10 മന്ദിരങ്ങൾ .... ആ മന്ദിരങ്ങളിൽ 51 കേന്ദ്രസർക്കാർ വകുപ്പുകളിലെ 51,000 ജീവനക്കാർ. ഇവർക്കായി എല്ലാ മന്ദിരങ്ങളെയും ബന്ധിപ്പിക്കുന്ന പ്രത്യേക ഭൂഗർഭ മെട്രോ പാത..... അത്യാധുനിക സൗകര്യങ്ങളും കോൺഫറൻസ് സെന്ററുകളും ലാൻഡ്സ്കേപ് ലോൺസും...അങ്ങനെ ആകെ മൊത്തം എല്ലാം ഉൾപ്പെടുന്ന സംവിധാനവുമായി കേന്ദ്ര സർക്കാർ ...... ഇത്രയും സൗകര്യങ്ങൾക്കായി മുതൽമുടക്ക് 20,000 കോടി രൂപയിലേറെ!

നോർത്ത്–സൗത്ത് ബ്ലോക്കുകൾ ഉൾപ്പെടുന്ന നിലവിലെ ഭരണകേന്ദ്രത്തിനു പകരം കേന്ദ്രസർക്കാർ ആവിഷ്കരിച്ചിരിക്കുന്ന സെൻട്രൽ വിസ്ത പദ്ധതി വിപുലമാക്കാനൊരുങ്ങുകയാണ് ഏവരും . പാർലമെന്റ് മന്ദിരം മാത്രമല്ല, പ്രധാനമന്ത്രിയുടെ വസതിയിലേക്കുള്ള അണ്ടർ ഗ്രൗണ്ട് ടണൽ, പുതിയ സെൻട്രൽ സെക്രട്ടേറിയറ്റ് എന്നിവയെല്ലാം ഇതിൽ ഉൾപ്പെടുന്നുണ്ട് . കോവിഡും സാമ്പത്തിക ‍ഞെരുക്കവുമെല്ലാം പിടിമുറുക്കുന്നതിനിടെ എന്തിന് ഇത്തരമൊരു പദ്ധതിയെന്നതു കടുത്ത വിമർശനമുയർത്തുന്ന കാര്യം കൂടിയാണ്. ഇതേ സംബന്ധിച്ച് കോടതി കയറുകയും ചെയ്തിരിക്കുകയാണ് ..

ഭരണസിരാകേന്ദ്രം മോടി പിടിപ്പിക്കാനുള്ള സെൻട്രൽ വിസ്താ പദ്ധതിയുടെ ആദ്യഭാഗമായിരുന്നു പുതിയ പാർലമെന്റ് മന്ദിരത്തിന്റെ നിർമാണതോടനുബന്ധിച്ച് നടന്നത് . 10നു പ്രധാനമന്ത്രി തറക്കല്ലിടുമെന്നു പറഞ്ഞിരിക്കെയാണു സുപ്രീം കോടതിയുടെ വിധി വന്നത് . നിർമാണച്ചിലവു മാത്രമല്ല ഒട്ടേറെ ചട്ടങ്ങൾ മറികടന്നാണു സെൻട്രൽ വിസ്ത പദ്ധതിക്ക് അംഗീകാരം നൽകിയിരിക്കുന്നതെന്നു വിദഗ്ധർ ചൂണ്ടിക്കാട്ടി ഇതുൾപ്പെടെയുള്ള പല വിഷയങ്ങൾ കോടതിയുടെ മുന്നിൽ പരിഗണനയിലുണ്ട്.

∙