ഐ.ഐ.ടിക്കാരാനായ മെക്കാനിക്കല് എഞ്ചിനിയര് ഭിക്ഷക്കാരനായി തെരുവില്; സുരേന്ദ്ര വസിഷ്ഠ എന്ന തൊണ്ണൂറുകാരന്റെ ദയനീയ അവസ്ഥ; ബന്ധുകളെ കണ്ടെത്താനുള്ള ശ്രമം തുടരുന്നു
നല്ല ഒഴുക്കോടുകൂടി ഇംഗ്ലീഷില് ഭിക്ഷയാചിക്കുന്ന യാചകന്. യാചന കേട്ടു ഞെട്ടിയവര് മറ്റൊന്നു കൂടി അറിഞ്ഞപ്പോള് അത്ഭുതം അടക്കാന് സാധിച്ചില്ല. ആ യാചകന് ഐ.ഐ.ടി കാണ്പൂരില് നിന്നും പഠിച്ചിറങ്ങിയ ഒരു മെക്കാനിക്കല് എഞ്ചിനിയര് ആണെന്ന സത്യം. മധ്യപ്രദേശിലെ ഗ്വാളിയാറിലാണ് ഈ സംഭവം നടക്കുന്നത്. ഗോളിയാറിലെ തെരുവുകളില് ഇംഗ്ലീഷിന് യാചക്കുന്ന ആളെ ആദ്യം ശ്രദ്ധിച്ച് ആശ്രമ സ്വാര്ഗ് സദാന് സംഘടനയുടെ ഒരു ഭാരവാഹിയാണ്. ഇയാള് പന്നിട് ഈ വയോധികനെ തന്റെ ആശ്രമത്തിലെത്തിച്ച് അഭയം നല്കി.
പിന്നിട് ആശ്രമ സ്വാര്ഗ് സദാന് നടത്തിയ അന്വേഷണത്തില് ഭിക്ഷക്കാരന്റെ വിദ്യാഭ്യാസ യോഗ്യത കണ്ടെത്തിയത്. ഐ ഐ ടി കാണ്പൂരില് നിന്നും പഠിച്ചിറങ്ങിയ സുരേന്ദ്ര വസിഷ്ഠ് ആണ് ഭിക്ഷയാചിക്കുന്നതെന്ന് അന്വേഷണത്തില് മനസിലായി. തൊണ്ണൂറുകാരനായ ഈ മെക്കാനിക്കല് എഞ്ചിനീയര് 1969 ല് ഐഐടി കാണ്പൂരില് നിന്നും ഡിഗ്രി കരസ്ഥമാക്കി. പിന്നാലെ 1972 ല് ലഖ്നൗവില് നിന്ന് എല്എല്എമ്മും പൂര്ത്തിയാക്കിയിട്ടുണ്ട്. കഴിഞ്ഞമാസം പതിനൊന്നിന് ഗ്വാളിയോറിലെ ബസ് സ്റ്റാന്ഡിന് സമീപത്ത് നിന്നുമാണ് വളരെ ദയനീയമായ അവസ്ഥയില് സുരേന്ദ്ര വസിഷ്ഠിനെ സംഘടന കണ്ടെത്തിയത്. ബന്ധുക്കളുമായി ബന്ധപ്പെടാനുള്ള ശ്രമം നടക്കുകയാണ് ഇപ്പോള്.
സുരേന്ദ്ര വസിഷ്ഠിനെ കൂടാതെ മറ്റൊരാളെയും ഇത്തരത്തില് ആശ്രമ സ്വാര്ഗ് സദാന് എന്ന സംഘടന തെരുവില് നിന്നും രക്ഷപ്പെടുത്തിയിരുന്നു. മഹാരാഷ്ട്ര പോലീസിലെ എന്കൗണ്ടര് സ്പെഷലിസ്റ്റായിരുന്ന മനീഷ് മിശ്രയെന്ന മുന് പോലീസ് ഉദ്യോഗസ്ഥനെയാണ് രണ്ടാഴ്ച്ച മുമ്പ് തെരുവില് നിന്നും രക്ഷപ്പെടുത്തിയത്. തെരുവില് ഭിക്ഷക്കാരനായി അലയുകയായിരുന്നു ഇയാളും. മാനസികാരോഗ്യം നഷ്ടപ്പെട്ട് തെരുവുകളില് അലഞ്ഞ ഇദ്ദേഹത്തെ മുന് സഹപ്രവര്ത്തകരാണ് തിരിച്ചറിഞ്ഞത്. ഡ്യൂട്ടിക്ക് സ്ഥിരമായി ഹാജരാകാതിരുന്നതിനെ തുടര്ന്ന് 2006ലാണ് ഇയാളെ സര്വീസില് നിന്നും പിരിച്ചു വിട്ടത്. ഇയാള് ഇപ്പോള് ആശ്രമ സ്വാര്ഗ് സദാന്റെ സംരക്ഷണയിലാണുള്ളത്. മാനസികാരോഗ്യം മെച്ചപ്പെടുത്തുന്നതിനുള്ള ചികിത്സയിലാണ് മനീഷ് മിശ്ര ഇപ്പോള്.
https://www.facebook.com/Malayalivartha
