പ്രതിപക്ഷ കക്ഷികളുടെ ബഹളം കാരണം ലോകസഭ ഇന്നത്തേക്ക് പിരിഞ്ഞു. ലളിത് മോഡി വിശയവുമായി ബന്ധപ്പെട്ട വിദേശകാര്യമന്ത്രി സുഷമസ്വരാജിന്റെ രാജി ആവശ്യപ്പെട്ടാണ് പ്രതിപക്ഷം ബഹളം നടത്തിയത്.
വ്യാപം ലളിത് മോഡി വിഷയങ്ങില്‍ സഭയില്‍ ചര്‍ച്ച വേണമെന്ന് ആവശ്യമാണ് പ്രതിപക്ഷ കക്ഷികളുടെ ആവശ്യം. എന്നാല്‍ മൂന്നു ബിജെപി മുഖ്യമന്ത്രിമാരുടെയും മൂന്നു കേന്ദ്ര മന്ത്രിമാരുടെയും രാജി എന്ന ആവശ്യത്തില്‍ നിന്നു കോണ്‍ഗ്രസ് പിന്നോട്ടില്ലന്ന നിലപാടിലാണ്.
മധ്യപ്രദേശിലെ \'വ്യാപ\'വും ലളിത് മോദി വിവാദവും ഛത്തീസ്ഗഡിലെ റേഷന്‍ അഴിമതിയും ദേശീയ, രാജ്യാന്തര മാനങ്ങളുള്ളവയാണെന്ന നിലപാടാണ് സര്‍വകക്ഷി യോഗത്തിലും പിന്നീടു സ്പീക്കര്‍ വിളിച്ച കക്ഷി നേതാക്കളുടെ യോഗത്തിലും പ്രതിപക്ഷ കക്ഷികള്‍ സ്വീകരിച്ചത്. \'വ്യാപം\' മധ്യപ്രദേശിലെ മാത്രമല്ല, ഉത്തരേന്ത്യന്‍ സംസ്ഥാനങ്ങളിലെ തന്നെ ലക്ഷക്കണക്കിനു വിദ്യാര്‍ഥികളുടെ ഭാവിയെയാണു ബാധിച്ചത്. കേസിലെ സാക്ഷികള്‍ ലക്‌നൗവിലും ഡല്‍ഹിയിലും ദുരൂഹസാഹചര്യത്തില്‍ മരിച്ചു സര്‍വകക്ഷി യോഗത്തില്‍ പാര്‍ട്ടിയെ പ്രതിനിധീകരിച്ച രാജ്യസഭയിലെ പ്രതിപക്ഷ നേതാവ് ഗുലാം നബി ആസാദും ലോക്‌സഭാ ഡപ്യൂട്ടി വിപ് കെ.സി. വേണുഗോപാലും വ്യക്തമാക്കി.
കോണ്‍ഗ്രസ് ലക്ഷ്യമിടുന്നതു മുഖ്യമന്ത്രിമാരുടെയും കേന്ദ്ര മന്ത്രിമാരുടെയും രാജി തന്നെ. \'വ്യാപ\'ത്തില്‍ സിബിഐ അന്വേഷണം തുടങ്ങുന്നതിനു മുന്‍പു മുഖ്യമന്ത്രി ശിവ്‌രാജ് സിങ് ചൗഹാന്‍ രാജിവയ്ക്കണമെന്നായിരുന്നു കോണ്‍ഗ്രസ് നിലപാട്. അന്വേഷണം തുടങ്ങിയ ശേഷവും ചൗഹാന്‍ അധികാരത്തില്‍ തുടരുന്നത് അനുവദിക്കാനാവില്ല. അഴിമതിപ്പണത്തിന്റെ പങ്കുപറ്റിയെന്ന ആരോപണത്തിനു വിധേയനായ കേന്ദ്ര പെട്രോളിയം സഹമന്ത്രി ധര്‍മേന്ദ്ര പ്രധാനും പദവിയില്‍ തുടരരുത്.
ലളിത് മോദി പ്രശ്‌നത്തില്‍ ആദ്യ ചുവടായി കോണ്‍ഗ്രസ് ആവശ്യപ്പെടുന്നതു രാജസ്ഥാന്‍ മുഖ്യമന്ത്രി വസുന്ധര രാജെയുടെയും വിദേശകാര്യ മന്ത്രി സുഷമ സ്വരാജിന്റെയും രാജിയാണ്. രാജ്യത്തെ നിയമത്തിന്റെ പിടിയില്‍ നിന്ന് ഒളിച്ചോടി വിദേശത്തു കഴിയുന്ന സാമ്പത്തിക കുറ്റവാളി ലളിത് മോദിയെ സഹായിച്ച ഇരുവര്‍ക്കും പദവിയില്‍ തുടരാന്‍ അര്‍ഹതയില്ലന്നും കോണ്‍ഗ്രസ് ആരോപിച്ചു.ഛത്തീസ്ഗഡ് മുഖ്യമന്ത്രി രമണ്‍ സിങ് പ്രതിസ്ഥാനത്തു നില്‍ക്കുന്ന റേഷന്‍ അഴിമതിയിലും കോണ്‍ഗ്രസ് ദേശീയ മാനം കാണുന്നു. അഴിമതിയുടെ പങ്ക് ഡല്‍ഹിയില്‍ ബിജെപി ആസ്ഥാനത്തും നാഗ്പൂരില്‍ ആര്‍എസ്എസ് ആസ്ഥാനത്തും ലഭിച്ചെന്നു തെളിയിക്കുന്ന വിവാദ ഡയറിക്കുറിപ്പുകള്‍ പാര്‍ട്ടിയുടെ പക്കലുണ്ട്. പ്രശ്‌നങ്ങളുടെ കുത്തൊഴുക്കിനിടെ, വിദ്യാഭ്യാസ യോഗ്യതയെക്കുറിച്ചു തിരഞ്ഞെടുപ്പു കമ്മിഷനു തെറ്റായ സത്യവാങ്മൂലം നല്‍കിയെന്ന ആരോപണത്തിനു വിധേയയായ മാനവശേഷി മന്ത്രി സ്മൃതി ഇറാനിയുടെ രാജിയെന്ന ആവശ്യത്തിനു തെല്ലു വീര്യം കുറഞ്ഞിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha