നമ്മുടെ കാലന്‍ പ്രകൃതിയല്ല അവനവന്റെ തന്നെ പ്രവര്‍ത്തിയാണെന്ന് തെളിയിക്കുന്നു. അതിനും പാവം പ്രകൃതിയെ പഴിപറയല്ലേ. പ്രകൃതിക്ഷോഭത്തിലാണ് കൂടുതല്‍ മനുഷ്യര്‍ക്ക് ജീവാപായമുണ്ടാവുന്നതെന്നും ചിലര്‍ അഭിപ്രായപ്പെടാറുണ്ട്. എന്നാല്‍ കഴിഞ്ഞ വര്‍ഷത്തെ അപകടങ്ങള്‍ വിലയിരുത്തുമ്പോള്‍ ഇത് തെറ്റാണെന്ന് തെളിയുന്നു.
പ്രകൃതിക്ഷോഭത്തില്‍ മരിച്ചവരേക്കാള്‍ 15 ഇരട്ടി പേരാണ് മനുഷ്യന്‍ കാരണമുണ്ടായ അപകടങ്ങളില്‍ കഴിഞ്ഞ വര്‍ഷം മരിച്ചത്. റോഡ് റയില്‍ അപകടങ്ങള്‍ മൂലമാണ് കഴിഞ്ഞ വര്‍ഷം കുടുതല്‍ പേര്‍ മരിച്ചിരിക്കുന്നത്. അത് കഴിഞ്ഞാല്‍ കൂടുതല്‍ പേര്‍ അകാലത്തില്‍ പൊലിഞ്ഞത് മുങ്ങിമരണം, തീപിടിത്തം, എന്നിവ കാരണമാണ്. നാഷണല്‍ െ്രെകം റെക്കോര്‍ഡ്‌സ് ബ്യൂറോയുടെ (എന്‍സിആര്‍ബി) ഏററവും പുതിയ കണക്കുകളാണിക്കാര്യം വെളിപ്പെടുത്തിയിരിക്കുന്നത്.
അതായത് കഴിഞ്ഞ വര്‍ഷം ഇന്ത്യയില്‍ പ്രകൃതിക്ഷോഭത്തില്‍ 20,000 പേര്‍ മാത്രം മരിച്ചപ്പോള്‍ അപകടങ്ങളില്‍ കൊല്ലപ്പെട്ടത് 317,000 പേരാണെന്ന് കണക്കുകള്‍ വെളിപ്പെടുത്തുന്നു. മുങ്ങി മരിച്ചത് 30,000 ഇന്ത്യക്കാരാണ്.
അതായത് പ്രകൃതിക്ഷോഭം മൂലം 2014ല്‍ 20,000 പേരാണ് പൊലിഞ്ഞതെങ്കില്‍ മനുഷ്യന്‍ കാരണമുണ്ടായ അപകടങ്ങളില്‍ കൃത്യമായി പറയുകയാണെങ്കില്‍ 3,16,828 പേരാണ് മരിച്ചത്. ഇതില്‍ ഭൂരിഭാഗവും അതായത് 17 ലക്ഷം പേരും ട്രാഫിക് അപകടങ്ങളിലാണ് മരിച്ചിരിക്കുന്നത്. 30,000 പേര്‍ മുങ്ങിമരിച്ചിട്ടുണ്ട്. ഏറ്റവും വലിയ രണ്ടാമത്തെ അപകടകാരണമായി മുങ്ങല്‍ മാറിയെന്ന് സാരം. അപകടങ്ങളില്‍ മൂന്നാംസ്ഥാനം തീപിടിത്തത്തിനാണ്. ഇത്തരം അപകടങ്ങളില്‍ പൊലിഞ്ഞത് 20,000 പേരാണ്. ഇക്കാലത്ത് ഉയരത്തില്‍ നിന്നും വീണ് മരിച്ചത് 15,399 പേരാണ്. വൈദ്യുതാഘമേറ്റ് മരിച്ചത് 9,606 പേരാണ്.
ഇതാദ്യമായാണ് എന്‍സിആര്‍ബി അണ്‍നാച്വറല്‍ കോസസ് അഥവാ പ്രകൃതിപരമല്ലാത്ത കാരണങ്ങള്‍ മൂലമുണ്ടാകുന്ന മരണങ്ങളെ രണ്ടു വ്യത്യസ്ത കാറ്റഗറികളിലുള്‍പ്പെടുത്തി പ്രസിദ്ധീകരിച്ചിരിക്കുന്നത്. ഇതില്‍ ഒന്ന് മനുഷ്യന്റെ തകരാറ് മൂലമുണ്ടാകുന്ന കാറ്റഗറിയിലാണ് ഉള്‍പ്പെടുത്തിയിരിക്കുന്നത്. മറ്റേത് \'മറ്റ് കാരണങ്ങള്‍\' കാറ്റഗറിയിലാണ് ഉള്‍പ്പെടുത്തിയിരിക്കുന്നത്. \'മറ്റ്\' കാറ്റഗറിയില്‍ എന്‍സിആര്‍ബി 1.15 ലക്ഷം മരണങ്ങളാണ് റെക്കോര്‍ഡ് ചെയ്തിരിക്കുന്നത്. ഇതിന് മുമ്പ് ഈ ഡാറ്റയെ അണ്‍നാച്വറല്‍ കാസസ് എന്ന കാറ്റഗറിയിലാണ് പെടുത്തിയിരുന്നത്.

മനുഷ്യന്റെ പിഴവ് മൂലമുണ്ടാകുന്ന അപകടങ്ങള്‍ വര്‍ഷം തോറും വര്‍ധിച്ച് വരുന്നതായാണ് കഴിഞ്ഞ പത്ത് വര്‍ഷത്തെ കണക്കുകള്‍ സൂചിപ്പിക്കുന്നത്. ഇക്കാലത്തിനിടെ ഇത്തരം അപകടങ്ങളില്‍ 22 ശതമാനം വര്‍ധനവ് വന്നിട്ടുണ്ടെന്നാണ് കണ്ടെത്തിയിട്ടുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha