പുല്‍വാമയിലുണ്ടായ ഏറ്റുമുട്ടലില്‍ ഒരു ഭീകരനെ വധിച്ച് സുരക്ഷാ സേന; വീരമൃത്യു വരിച്ച സൈനികരുടെ എണ്ണം രണ്ടായി
ജമ്മു കശ്മീരിലെ പുല്‍വാമയിലുണ്ടായ ഏറ്റുമുട്ടലില്‍ സുരക്ഷാസേന ഒരു ഭീകരനെ വധിച്ചു. ശ്രീനഗര്‍ സ്വദേശി ഷാഹിദ് ബാസിര്‍ ഷെയ്ഖിനെയാണ് സൈന്യം വധിച്ചത്. ഇയാള്‍ക്ക് നാട്ടുകാര്‍ക്ക് നേരെയുള്ള ആക്രമണത്തില്‍ പങ്കുണ്ടെന്നും സൈനിക വക്താവ് അറിയിച്ചു.
കഴിഞ്ഞ ദിവസം ഭീകരസംഘടനയായ ജയ്‌ഷെ മുഹമ്മദിന്റെ ഉന്നത കമാന്‍ഡര്‍ ഷാം സോഫിയെ സുരക്ഷാസേന ഏറ്റുമുട്ടലില്‍ വധിച്ചിരുന്നു. പുല്‍വാമ ജില്ലയിലെ ത്രാല്‍ മേഖലയിലായിരുന്നു ഏറ്റുമുട്ടല്‍. മേഖലയില്‍ ഭീകരരുടെ സാന്നിധ്യമുണ്ടെന്ന വിവരത്തിന്റെ അടിസ്ഥാനത്തില്‍ പോലീസും സിആര്‍പിഎഫും സംയുക്തമായാണ് ഭീകരരെ നേരിട്ടത്.
അതേസമയം ജമ്മു കശ്മീരിലെ പൂഞ്ചില്‍ നിയന്ത്രണ രേഖയില്‍ ഭീകരരുമായുള്ള ഏറ്റുമുട്ടലില്‍ വീരമൃത്യു വരിച്ച സൈനികരുടെ എണ്ണം രണ്ടായി. ജൂനിയര്‍ കമ്മീഷന്‍ഡ് ഓഫീസറും ഒരു ജവാനുമാണ് വീരമൃത്യു വരിച്ചത്.
നര്‍ ഖാസ് വനമേഖലയില്‍ ഇപ്പോഴും ഏറ്റുമുട്ടല്‍ തുടര്‍ന്ന് കൊണ്ടിരിക്കുകയാണ്. രജൗറി-പൂഞ്ച് ദേശീയപാതയില്‍ ഗതാഗതം താത്കാലികമായി നിര്‍ത്തി വച്ചു.
https://www.facebook.com/Malayalivartha
