ഡല്‍ഹി ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ ഡെങ്കി ബാധിതനായി കഴിയുന്ന മുന്‍ പ്രധാനമന്ത്രി ഡോ.മന്‍മോഹന്‍സിംഗിന് കിടക്കയ്ക്കരുകില്‍ നിന്ന് സെല്‍ഫിയെടുത്ത് പോസ്റ്റ് ചെയ്ത കേന്ദ്ര ആരോഗ്യ മന്ത്രി മന്‍സൂഖ് മാണ്ഡവ്യയ്ക്കെതിരെ കടുത്ത വിമര്‍ശനം
ഡല്‍ഹി ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ ഡെങ്കി ബാധിതനായി കഴിയുന്ന മുന്‍ പ്രധാനമന്ത്രി ഡോ.മന്‍മോഹന്‍സിംഗിന് കിടക്കയ്ക്കരുകില്‍ നിന്ന് സെല്‍ഫിയെടുത്ത് പോസ്റ്റ് ചെയ്ത കേന്ദ്ര ആരോഗ്യ മന്ത്രി മന്‍സൂഖ് മാണ്ഡവ്യയ്ക്കെതിരെ കടുത്ത വിമര്‍ശനം ഉയരുന്നു.
പനിയും ഇതര ആരോഗ്യപ്രശ്നങ്ങളുമായി കഴിയുന്ന 89 കാരന്‍ ഡോ. മന്‍മോഹന്‍സിംഗിന്റെ മുറിയിലേക്ക് ഫോട്ടോഗ്രാഫറുമായി കടന്നുവന്ന് ആരോഗ്യ മന്ത്രി മന്‍സൂഖ് മാണ്ഡവ്യ ഫോട്ടെയെടുത്ത് സോഷ്യല്‍ മീഡിയയില്‍ പോസ്റ്റ് ചെയ്തതു മാത്രമല്ല വിവാദമായിരിക്കുന്നത്.
പിതാവിന്റെ ആരോഗ്യനില മോശമായതിനാല്‍ മുറിയില്‍ നിന്ന് ഫോട്ടോഗ്രാഫറെയും വിളിച്ചു പുറത്തുപോകണമെന്ന മന്‍മോഹന്‍സിംഗിന്റെ മകളുടെ അഭ്യര്‍ഥന കൂട്ടാക്കാതെയാണ് ആരോഗ്യ മന്ത്രി മന്‍സൂഖ് മാണ്ഡവ്യ ഇത്തരം നിലവാരം കെട്ട ഷോ കാണിച്ചതെന്നതാണ് പരസ്യമായ വിമര്‍ശനത്തിനിടയാക്കുന്നത്.
'അവര്‍ വൃദ്ധരാണ് പക്ഷേ, കാഴ്ചബംഗ്ലാവിലെ മൃഗങ്ങളല്ല'' എന്ന പ്രതികരണമാണ് ഡോ. മന്‍മോഹന്‍ സിംഗിന്റെ മകള്‍ക്ക് കേന്ദ്രമന്ത്രിയോട് പറയേണ്ടിവന്നത്. ഗുരുതരമായ പനി ബാധിച്ച് എയിംസിലെ തീവ്രപരിചരണ മുറിയില്‍ കഴിയുന്ന മുന്‍ പ്രധാനമന്ത്രി ഡോ. മന്‍മോഹന്‍ സിംഗിനെ ഇന്നലെയാണ് കേന്ദ്ര ആരോഗ്യ മന്ത്രി മന്‍സൂഖ് മാണ്ഡവ്യ സന്ദര്‍ശിക്കാനെത്തിയിരുന്നു.
മന്ത്രി എയിംസ് ആശുപത്രിയിലേക്ക് സന്ദര്‍ശനത്തിനു വന്നതാകട്ടെ ഒരു ഫോട്ടോഗ്രാഫറെയും കൂട്ടിയാണ്. മന്ത്രി മുന്‍ പ്രധാനമന്ത്രി ഡോ. മന്‍മോഹന്‍സിംഗിനെ സന്ദര്‍ശിക്കുന്നതിന്റെ തൊട്ടു പിന്നാലെ മന്‍മോഹന്‍ സിംഗ് ആശുപത്രി മുറിയില്‍ കിടക്കുന്നതിന്റെയുമൊക്കെ ചിത്രങ്ങളും മന്ത്രി ട്വീറ്റ്
ചെയ്തു.
സിക്ക് ആചാരപ്രകാരമുള്ള തലപ്പാവില്ലാതെ ആശുപത്രിക്കിടക്കയില്‍ ക്ഷീണിതനായി രോഗക്കിടക്കയില്‍ കിടക്കുന്ന 89കാരന്റെ ചിത്രം എടുത്ത് പോസ്റ്റ് ചെയ്യാനോളം നില കെട്ടുപോയോ കേന്ദ്രമന്ത്രിക്ക് എന്നതാണ് പരക്കെ ഉയരുന്ന ചോദ്യം. തികച്ചും ക്ഷീണിതനായ ഒരു വയോധികന്റെയും ബന്ധുക്കളുടെയും സ്വകാര്യതയെ ചോദ്യം ചെയ്യാന്‍ കേന്ദ്രമന്ത്രിക്ക് എന്ത് അധികാരം എന്നതാണ് പ്രസക്തമായ ചോദ്യം.
ക്ഷീണിതനായി കഴിയുന്ന പിതാവിന്റെ മുറിയിലേക്ക് ഫോട്ടോഗ്രാഫറെയും കൂട്ടി മന്ത്രി രോഗവിവരം തിരക്കാനെത്തിയത് മന്‍മോഹന്റെ വൃദ്ധയായ ഭാര്യ ഗുര്‍ഷരണ്‍ കൗറിനെയും ഏറെ അസ്വസ്ഥയാക്കിയിരിക്കുന്നു. ഏറെ അസ്വസ്ഥയായ ഗുര്‍ഷരണ്‍ കൗര്‍ ഫോട്ടോഗ്രാഫറോട് മുറിക്കു പുറത്തു പോകാന്‍ ആവശ്യപ്പെട്ടെങ്കിലും മന്ത്രിയോ ഒപ്പമുള്ളവരോ ചെവിക്കൊണ്ടില്ലെന്നാണ് പരാതി.
ഇത്രയും വിഷമഘട്ടങ്ങളുമായി ഒത്തുപോകാന്‍ വൃദ്ധയായ അമ്മ ഏറെ ബുദ്ധിമുട്ടുകയാണ്. അവര്‍ വളരെ പ്രായം ചെന്നവരുമാണ്. അവര്‍ കാഴ്ചബംഗ്ലാവില്‍ കിടക്കുന്ന മൃഗങ്ങള്‍ അല്ലെന്നെങ്കിലും ഓര്‍മിക്കണമെന്നാണ് മകള്‍ ദമന്‍ദീപ് സിംഗ് ഈ നടപടിയോടു പ്രതികരിച്ചത്.
മന്ത്രി സാധാരണ നിലയില്‍ ആശുപത്രിയിലെത്തി മാതാപിതാക്കളെ സന്ദര്‍ശിച്ചിരുന്നെങ്കില്‍ അതൊരു ആശ്വാസമായേനെ. പക്ഷേ, ഫോട്ടോഗ്രാഫറെയും കൂട്ടി വന്നത് ഒരു തരത്തിലും അംഗീകരിക്കാനാകില്ല. ഒരു ഫോട്ടോയില്‍ ഉള്‍പ്പെടാന്‍ പറ്റിയ മാനസിക അവസ്ഥയിലായിരുന്നില്ല അവര്‍ എന്നും ദമന്‍ദീപ് സിംഗ് പറഞ്ഞു.
പക്ഷേ, നിലവാരം കെട്ട സെല്‍ഫി ഫോട്ടോ വിവാദമായതോടെ മന്‍മോഹന്‍ സിംഗിനെ സന്ദര്‍ശിക്കുന്ന ചിത്രം ആരോഗ്യ മന്ത്രി ട്വിറ്റര്‍ ഹാന്‍ഡിലില്‍ നിന്നു നീക്കം ചെയ്യുകയും ചെയ്തു. കഴിഞ്ഞ ബുധനാഴ്ചയാണ് പനി ബാധിച്ച് മന്‍മോഹന്‍സിംഗിനെ എയിംസില്‍ പ്രവേശിപ്പിച്ചത്. പിന്നീട് ഡോ. മന്‍മോഹന്‍ സിംഗിന് ഡെങ്കിപ്പനി ബാധിച്ചിരിക്കുന്നതായി പരിശോധനകളില്‍ സ്ഥിരീകരിച്ചു. അണുബാധ ഉള്‍പ്പെടെയുള്ള കാര്യങ്ങളില്‍ ആശങ്കയുള്ളപ്പോഴാണ് മന്ത്രിയും പരിവാരങ്ങളും മുറിയിലേക്ക് ഇടിച്ചു കയറി ഇത്തരത്തില്‍ നിലയും വിലയും
കെട്ട പരിപാടി നടത്തിപ്പോയത്. കഴിഞ്ഞ ഏപ്രിലില്‍ വയോധികനായ ഡോ. സിംഗിന് കോവിഡും ബാധിച്ചിരുന്നു.
ഇതിനു പുറമെ ബൈപാസ് ഉള്‍പ്പെടെ വിവിധ ശസ്ത്രക്രിയകള്‍ക്ക് വിധേയനായ വ്യക്തിയാണ് കോണ്‍ഗ്രസ് നേതാവും മുന്‍പ്രധാനമന്ത്രിയുമായ ഡോ. മന്‍മോഹന്‍സിംഗ്.എയിംസിലെ കാര്‍ഡിയോളജി പ്രൊഫസറായ ഡോക്ടര്‍ നിതീഷ് നായക്കിന്റെ പരിചരണത്തിലാണ് മന്‍മോഹന്‍ സിംഗ്.
" a
https://www.facebook.com/Malayalivartha
