അല്‍പം താമസിച്ചെങ്കിലും ട്വിറ്റര്‍ വാക്ക് പാലിച്ചു. ഇനി മുതല്‍ ട്വിറ്ററിലെഴുതുന്ന ഡയറക്ട് സന്ദേശങ്ങള്‍ക്ക് അല്‍പം നീളം കൂടിയാലും പ്രശ്‌നമില്ല. നേരിട്ടുള്ള സന്ദേശങ്ങള്‍ക്കുണ്ടായിരുന്ന 140 അക്ഷരങ്ങള്‍ എന്ന പരിമിതി ട്വിറ്റര്‍ ഒഴിവാക്കി. അക്ഷരപരിമിതി എടുത്തുമാറ്റുമെന്ന് ജൂണില്‍ ട്വിറ്റര്‍ അറിയിച്ചിരുന്നു. അതേ സമയം പൊതു ട്വീറ്റുകളുടെ പരിമിതി 140 അക്ഷരങ്ങളായി തുടരും. ട്വിറ്ററിന്റെ പ്രൊഡക്ട് മാനേജര്‍ സച്ചിന്‍ അഗര്‍വാളാണ് ട്വിറ്ററിന്റെ ഔദ്യോഗിക ബ്ലോഗിലൂടെ ഇക്കാര്യം അറിയിച്ചത്.

മറ്റ് സോഷ്യല്‍ നെറ്റ്‌വര്‍ക്കുകളായ ഫേസ്ബുക്കിനും ലിങ്ക്ഡ് ഇന്നിനും മറ്റും സന്ദേശങ്ങള്‍ അയക്കുന്നതില്‍ അക്ഷരപരിമിതി ഇല്ല. മെസേജിങ് പ്ലാറ്റ്‌ഫോമുകളായ ഫേസ്ബുക്ക്, വാട്ട്‌സ് ആപ്പ് എന്നിവയുടെ വളര്‍ച്ചയാണ് ട്വിറ്ററിനെ ഇത്തരത്തിലൊരു തീരുമാനം എടുക്കാന്‍ പ്രേരിപ്പിച്ചത്. ആന്‍ഡ്രോയിഡ്, ഐ.ഒ.എസ് ആപ്പുകളില്‍ ഈ സേവനം ബുധനാഴ്ച മുതല്‍ ലഭ്യമായിട്ടുണ്ട്. മാക് കമ്പ്യൂട്ടറുകളില്‍ അടുത്ത ഏതാനും ആഴ്ചകള്‍ക്കകം ഇത് ലഭ്യമാകും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha